Yowana 4:1 - Indagano Inyaaya mu-Chijita

¹ Mbe, Yeesu ꞉oonguuwe ati Abhafarisaayo ꞉bhaabhwiriiywe ati kaabhatiija, ka wone ati kaabhona abheeyigisibhwa bhaafu okukira Yowana.

INDAGANO INYA:YA

¹ Mbe Ratabugenyi okuba ariga amenyere ati, Abafarisayo bonguywe ati, Yesu ke:igisya no kubatija be:igisibwa ba:fu kukira Yoana.

Yowana 4:1 ပူးပေါင်းရင်းမြစ်များ

Ruuka 1:76

Woori awe omwana waani, uribha nuwaayikwa ati, uri muragi wa Nyamuwanga unu ari Inguru ya Bhyone, kwa okubha, uritangata imbere ya Raatabhugenyi, korereki asongʼane wamwirabhiiye injira yaaye.

Ruuka 19:31

Araabha omuunu akabhabhuusya ati, ‘Kurwa ki omuchisibhura?’ mumusubhye ati, ‘Raatabhugenyi kaachikena.’”

Ruuka 19:34

Nibhabhasubhya ati, “Raatabhugenyi kaachikena.”

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Ruuka 7:13

Raatabhugenyi ejire aarora omutumbagasi oyo, ˆnaamufwira echigongo, ˆnaamubhwira ati, “Siga okurira.”

Ruuka 7:19

Yowana wone ˆnaabhirikira abheeyigisibhwa bhaaye bhabhiri ˆnaabhatuma bhagende okubhuusya Raatabhugenyi Yeesu ati, “Chimenyere ati, Kirisito kaja okuuja. Angu, naawe, tere chirindirire owundi?”

Yowana 3:22

Mbe, ejo jejire jaawa, Yeesu na abheeyigisibhwa bhaaye, nibheeyinda mu‑mukoowa gwa Yuudeya. ˆNaabha nabho eyo ku‑mwanya omurebhe, ˆnaabhatiijaga abhaanu.

Yowana 3:26

Niwo nibhagenda ku‑Yowana, nibhamubhwira ati, “Omwiyigisya, owichuka omuunu unu waariga uri aamwi nage ku‑ngego ya omusima gwa Yorodaani, na ꞉waasoosiisye obhubhambaasi inguru yaaye? Woori omuunu oyo wone kaabhatiija, na abhaanu bhoone abhawererera ku‑mwene!”

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

1 Bakorinto 1:17

Kirisito ꞉ataantumire okubhatiija abhaanu. ꞉Aantumire okuraasya Emisango ja Ekisi, okwiyikanya wuri obhwengeeso bhwani bhwa okwayika kisi, korereki orufu rwa Kirisito ku‑musarabha rwasiga okubhusya amanaga gaarwo.

1 Bakorinto 15:47

Omuunu wa okwamba, ꞉aamogerwe. Omuunu wa kabhiri, ꞉aasookereeye mu‑rwire.

1 Bakorinto 2:8

Atari‑wo noorwo umwi mu‑bhatungi bha echaaro chinu unu ꞉aasombookeeywe obhwengeeso obhwo, kwa okubha bhakabheeye bhasombookeeywe, ꞉bhataakabhumiiriiye ku‑musarabha Raatabhugenyi wa okukuuyibhwa.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

Yakobo 2:1

Abhayiri bhaani mu‑riikirisya, rwa kutyo mwikirisiisye Raatabhugenyi weeswe Yeesu Kirisito owa rikusyo, musige okubha na isoroore ku‑bhaanu.

Obhusweruro 19:16

Ku‑mwingiro gwaye gunu guswikiiye ribhaajwa ryaye, rikaamirwe‑ko risiina rinu, Omukama wa abhakama na Raatabhugenyi wa bharaatabhugenyi.