Yowana 3:34 - Indagano Inyaaya mu-Chijita

³⁴ kwa okubha Nyamuwanga ꞉aatumire Yeesu korereki aayike emisango jaaye. Nyamuwanga amuyaaye Mwoyo Mweru okurenga wuri.

INDAGANO INYA:YA

³⁴ Okuba unu atumirwe na Nyamuanga kaika ebigambo bya Nyamuanga, okuba Nyamuanga kagaba Omwoyo atakurenga.

Yowana 3:34 ပူးပေါင်းရင်းမြစ်များ

Matayo 12:18

“Ringira, unu niwe omukosi waani unu nisorere. Unu niwe omwendwa waani unu kaankondisya omwoyo gwani. Nirimuyaana Mwoyo gwani, korereki araasye obhuchungusi ku‑bhaanu bha amaanga goone.

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

Yowana 1:16

Okuruubhana na obhukuumiiye bhwa omuunu oyo, chiyaaywe obhwitiriranya obhundi ku‑bhundi.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

Yowana 16:7

“Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe.

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Yowana 5:26

Rwa kutyo Raata ari bhusimukwa bhwa obhuwanga bhwa akajaanende koone, nikwo kutyo wone akorere Omwana waaye okubha obhusimukwa bhwa obhuwanga obhwo.

Yowana 7:16

Mbe, Yeesu ˆnaabhabhwira ati, “Ameeyigisyo ganu eniiyigisya, gatari gaani, tari gasookere ku‑Nyamuwanga unu ꞉aantumire.

Yowana 8:40

Nawe woori, omuyenja injira ya okunyita, noorwo kutyo naabhabhwira echimari chinu ꞉noonguuwe okusooka ku‑Nyamuwanga. Bhurayimu ꞉ataakorere kutyo emwe omwenda okukora woori.

Yowana 8:47

Omuunu woonewoone wa Nyamuwanga, oyo kaategeresya emisango jaaye. Emwe mutakutegeresya jinu Nyamuwanga kaayika, kwa okubha mutari bhaanu bhaaye.”

Ebikorwa 1:2

okukingira orusuku runu ꞉aagegerwe okugenda mu‑rwire. Achaari okugegwa, ꞉aasoosiisye amaragiriro okutura ku‑Mwoyo Mweru, ku‑tumwa jaaye jinu ꞉aawuuwe, inguru ya emirimu jinu abhaja okukora.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Barumi 8:2

Ku‑njira ya okubha na obhumwi na Kirisito Yeesu, amanaga ga Mwoyo Mweru unu kaareeta obhuwanga bhwa akajaanende koone, gankorere nibhe na obhwitaage, korereki nisige okutungwa na amanaga ga ebhibhiibhi na orufu.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Bakolosai 1:19

Nikwo kutyo, kwa okubha ꞉jaakondeeye Nyamuwanga ati, obhukuumiiye bhwaye bhwone bhubhe mu‑Mwana waaye.

Bakolosai 2:9

kwa okubha obhukuumiiye bhwone bhwa Nyamuwanga bhuri mu‑mwene, mu‑mubhiri gwa echinyamuunu.

Obhusweruro 21:6

ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.