Yowana 3:31 - Indagano Inyaaya mu-Chijita

³¹ Unu asookere mu‑rwire, ari na obhuturo okukira abhaanu bhoone. Omuunu woonewoone wa ku‑chaaro, kaayika emisango ja ku‑chaaro kunu. Nawe unu asookere mu‑rwire, ari na obhuturo okukira abhaanu bhoone.

INDAGANO INYA:YA

³¹ Unu kaso:ka mu rwire katunga byone. Owa mu:si kaba ari wa mu:si, kaika bya mu:si. Unu kaso:ka mu rwire niwe katunga byone.

Yowana 3:31 ပူးပေါင်းရင်းမြစ်များ

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Yowana 1:15

Yowana ˆnaasoosisya omuunu oyo obhubhambaasi, ˆnaamura obhuraka, ˆnaayikaga ati, “Unu niwe naabhabhwiraga ati, ‘Kaaja omuunu inyuma yaani, ni mukuru okunkira, kwa okubha omwene aariga ari‑wo ku‑bhwambiro, kara anye nichaari kwibhurwa.’”

Yowana 1:27

Oyo niwe unu kaaja inyuma yaani. Anye niteeyire noorwo okusuruumura jingoye ja ebhiraato bhyaye.”

Yowana 1:30

Unu niwe naabhabhwiraga ati, ‘Kaaja omuunu inyuma yaani, ni mukuru okunkira, kwa okubha omwene aariga ari‑wo ku‑bhwambiro, kara anye nichaari kwibhurwa.’

Yowana 3:30

Jeenderwe Yeesu ayaanwe echibharo cha inguru muno, nawe anye niyaanwe echibharo cha emwaro muno.”

Yowana 6:33

Ebhiryo bhya Nyamuwanga ni bhinu bhiikire okusooka mu‑rwire, korereki bhiyaane abhaanu bhoone ku‑chaaro kunu obhuwanga bhwa akajaanende koone.”

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Yowana 8:23

Yeesu ˆnaagenderera okubhabhwira ati, “Emwe muri bhaanu bhanu bhasookere emwaro ku‑chaaro anu, nawe anye nisookere inguru mu‑rwire. Emwe muri bha ku‑chaaro kunu, nawe anye nitari wa ku‑chaaro kunu.

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.

Baeburania 9:1

Mbe, indagano ya okwamba irya, yaariga iri na ebhiraagiro bhinu abhaanu bhaariga nibhabhigayuka omwanya gunu bhaaramyaga Nyamuwanga. Ka wone indagano eyo yaariga iri na ebhiraagiro ku‑rubhaara rwa ayeeru wa okuramya Nyamuwanga ku‑chaaro kunu.

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.

1 Yoana 4:5

Abharagi bha orubheeyi abho ni bha ku‑chaaro kunu era, kurwa ejo abhaayika emisango ja ku‑chaaro kunu. Abhaanu bha ku‑chaaro bhanu bhatakugayuka Nyamuwanga, abheekirisya ameeyigisyo geebhwe.

Obhusweruro 19:16

Ku‑mwingiro gwaye gunu guswikiiye ribhaajwa ryaye, rikaamirwe‑ko risiina rinu, Omukama wa abhakama na Raatabhugenyi wa bharaatabhugenyi.