Yowana 3:3 - Indagano Inyaaya mu-Chijita

³ Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe rwa kabhiri.”

INDAGANO INYA:YA

³ Yesu naindura namubwira ati, Ni cimari cimari enikubwira ati, Omu:nu ate:buywe kwiya kabiri, atakutura kubona obukama bwa Nyamuanga.

Yowana 3:3 ပူးပေါင်းရင်းမြစ်များ

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Matayo 19:24

Enibhabhwira rindi ati, ni bhwangu ingamiya okwiyiganya mw‑iwundu rya isinga, okukira omuniibhi okwingira mu‑bhukama bhwa Nyamuwanga!”

Matayo 21:31

“Woori angu, mu‑bhabhiri abho, niga unu ꞉aakorere rwa kutyo esemwene ꞉eendere?” Abhakuru bha abhagabhisi na abhakuru bha Abhayawudi bharya, nibhamusubhya ati, “Ni urya wa okwamba.” Niwo Yeesu ˆnaayika ati, “Ni chimari enibhabhwira ati, abhatobhesya bha rigooti na abhagasi bhanu abheegusya okwibhonera ribhona, bharibhatangatira okwingira mu‑bhukama bhwa Nyamuwanga.

Matayo 5:18

Ni chimari enibhabhwira ati, okukingira omwanya gunu orutumba na echaaro bhirisoosibhwa‑wo, katari‑wo akasango amwi akanyuguta kamwi ka ebhiraagiro kanu karisoosibhwa‑wo, okukingira joone jikuumire.

Mariko 10:14

Yeesu ejire aarora abheeyigisibhwa bhaaye nibhakora kutyo, ˆnaabhiyirwa. ˆNaabhabhwira ati, “Musige abhaana abharera bhaaje kw‑anye, musige okubhagaanya, kwa okubha obhukama bhwa Nyamuwanga ni bhwa abhaanu bhanu bhari rwa abhaana bhanu.

Mariko 9:47

Ka wone, eriiso ryawo rikakureterera okukora echibhiibhi, nuuriiye‑mo. Ni akiri wingire mu‑bhukama bhwa Nyamuwanga uri na isongo, okukira okubha na ameeso goone gabhiri na okweswa mu‑muriro gwa akajaanende koone.

Yowana 1:13

Abho nibho abhaana bha Nyamuwanga, bhanu ꞉bheebhuuywe kutari ku‑sagama, amwi mu‑kwenda kwa omubhiri, amwi mu‑kwenda kwa omuunu, tari Nyamuwanga omwene ꞉aabhakorere okubha abhaana bhaaye.

Yowana 1:5

Obhweru obhwo obhumirika mu‑chisuute, na echisuute chitakubhuyiga.

Yowana 1:51

Yeesu ˆnaagenderera okwayika ati, “Ni chimari enibhabhwira ati, murirora orwire rwigukire, ka wone murirora bhamaraayika bha Nyamuwanga nibhariinyaga na okwika inguru yaani, anye Omwana wa Omuunu.”

Yowana 12:40

“Naawofufya ameeso geebhwe, na okukora emyoyo jeebhwe okubha emikomeeye, korereki bhaasiga okurora kwa ameeso geebhwe, na bhaasiga okusombookerwa kwa emyoyo, bhaasiga okunyindukira nimbachungura.”

Yowana 3:4

Nikodeemu ˆnaabhuusya Yeesu ati, “Omuunu kaatura kutiki okwibhurwa rwa kabhiri keenu aakokoowe? Angu, kaatura okwingira rindi mu‑nda ya nyiramwene korereki eebhurwe rindi?”

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Bagalatia 6:15

Okutendwa amwi okurema okutendwa, kutari na obhugajuro bhwonebhwone bhurya. Omusango gwa bhusibhusi ni kubhumbwa bhuyaaya na Nyamuwanga.

Baefeso 2:1

Emwe mwariga mufuuwe echinyamwoyo, inguru ya bhunyatagayuka bhwemwe na ebhibhiibhi bhyemwe.

Tiito 3:5

꞉Ataachichunguuye kwa okubha ebhikorwa bhyeswe ni bhya obhurengeresi, tari ku‑chigongo chaaye era. ꞉Aachoosiisye obhujabhi bhweswe, ˆnaachiibhura bhuyaaya na Mwoyo Mweru ˆnaachikora okubha abhayaaya.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

1 Yoana 2:29

Mumenyere ati Kirisito ni murengeresi. Kurwa ejo, mumenye ati, omuunu woonewoone unu kaakora ja rirenga, omwene ni mwana wa Nyamuwanga.

1 Yoana 3:9

Omwana woonewoone wa Nyamuwanga, atakugenderera okukora ebhibhiibhi, kwa okubha ari na itungwa ya Nyamuwanga mu‑mwoyo gwaye. Kurwa ejo, atakutura okugenderera okukora ebhibhiibhi kwa okubha ni mwana wa Nyamuwanga.

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.

1 Yoana 5:18

Echimenya ati omwana woonewoone wa Nyamuwanga, atakugenderera okukora ebhibhiibhi, kwa okubha Omwana wa Nyamuwanga kaamurinda, Omubhiibhi urya atakutura okumukuunʼya‑ko.

1 Yoana 5:4

kwa okubha bhuri mwana wa Nyamuwanga ari na obhuturo bhwa okuyiga ebhibhiibhi. Mbe, echiyiga ebhibhiibhi kwa okwikirisya Yeesu.

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!