Yowana 3:25 - Indagano Inyaaya mu-Chijita

²⁵ Rusuku rumwi, abheeyigisibhwa bha Yowana nibhaamba okubhambasyanya na Omuyawudi umwi inguru ya itungwa ya okwiyesya.

INDAGANO INYA:YA

²⁵ Abe:igisibwa ba Yoana nibabambasyanya no Muyaudi omusango gwo kwesibwa.

Yowana 3:25 ပူးပေါင်းရင်းမြစ်များ

Matayo 3:11

“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Mariko 7:8

Yeesu ˆnaagenderera okubhabhwira ati, “Emwe omusigaga ebhiraagiro bhya Nyamuwanga, omuruubhaga jitungwa ja bhasaaja weemwe.

Yowana 2:6

Mbe, gaariga gari‑wo amatuumo gataanu na rimwi ga amanji ganu gaariga gakonjerwe kwa amabhuyi. Abhayawudi bhaariga nibhatuura mu‑matuumo omwo amanji ga okukuumisisya jitungwa jeebhwe ja okwiyesya. Bhuri tuumo ryariga niriijusibhwa kwa ebhibhuyu bhitaanu amwi bhitaanu na chimwi.

Baeburania 6:2

Chisigega okusubhiirira rindi okwiyigira ameeyigisyo ga obhubhatiijo, ga okutuurira‑ko abhaanu amabhoko, ga abhafuuwe okusuuruka na ga indamu ya kajaanende koone.

Baeburania 9:10

Okubha emisango ejo jaariga jiri ja echinyamubhiri, ja ebhiryo, ja ebhinywebhwa, na eja okwiyesya emibhiri era. Ejo joone jiriwaa‑wo omwanya gunu Nyamuwanga arituura‑wo obhutinge obhuyaaya.

Baeburania 9:23

Riyeema rya okuramirisya‑mo Nyamuwanga na ebhiinu bhyone bhinu abhagabhisi bhaariga nibhakorera emirimu okusoosya echoogo, bhyariga bhiri bhijekekanyo bhya ebhiinu bhinu bhiri mu‑rwire eyo. Riyeema na ebhiinu ebhyo bhyariga nibhyesibhwa ku‑njira ya orwamba rwa jityanyi, nawe ebhiinu bhya mu‑rwire bhyenderwe okwesibhwa kwa echoogo chinu chiri cha ekisi okukira orwamba orwo rwa jityanyi.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.