Yowana 3:16 - Indagano Inyaaya mu-Chijita

¹⁶ Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

INDAGANO INYA:YA

¹⁶ Okuba nikwo kutyo Nyamuanga abendere abanyaca:ro, ndijei natuma Omwana wae umwi era, korereki mu:nu wo:ne unu kamwikirisya asige kubura, nawe abe no buanga bunu butakuwao.

Yowana 3:16 ပူးပေါင်းရင်းမြစ်များ

Matayo 9:13

Mbe, mugende mwiyigire obhugajuro bhwa emisango ja Nyamuwanga mu‑Bhikaame Ebhyeru. Kaayika ati, ‘Eneenda mubhe na echigongo okukira okusoosya echoogo.’ Mbe, anye ꞉niteejire okubhirikira abhaanu abharengeresi bhayindukire Nyamuwanga, tari abhakosi bha ebhibhiibhi.”

Mariko 12:6

Omwene esambu ˆnaasigara na omuunu umwi era wa okutuma, omwana waaye omwendwa. Ku‑bhuteero ˆnaamutuma ku‑bharimi bharya, ˆneetogera ati, ‘Abhaja okuyaana omwana waani echibharo.’

Ruuka 2:14

“Nyamuwanga wa mu‑rwire akusibhwe! Ku‑chaaro anu, omurembe gubhe ku‑bhaanu bhanu eendere.”

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

Yowana 10:28

Anye enijiyaana obhuwanga bhwa kajaanende koone, na jitaribhura wuri. Ka wone atari‑wo omuunu unu kaatura okujisaakura okusooka mu‑mabhoko gaani.

Yowana 3:15

korereki bhuri muunu unu kaanyikirisya, abhe na obhuwanga bhwa akajaanende koone.”

Yowana 3:18

Nyamuwanga atakuramura abhaanu bhanu abheekirisya Omwana waaye. Nawe abhaanu bhanu bhatakumwikirisya, bharamuuywe kwa okubha bhateekirisiisye Omwana eenyere wa Nyamuwanga.

Yowana 3:36

Omuunu woonewoone unu keekirisya Omwana wa Nyamuwanga, oyo ari na obhuwanga bhwa akajaanende koone. Nawe woonewoone unu kaarema okumwikirisya, atari na obhuwanga obhwo, ka wone risungu rya Nyamuwanga erigenderera okubha inguru yaaye.

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”

Barumi 5:10

Omwanya gunu chaariga chichaari abhasoko bhaaye, ꞉chaagwatanyiibhwe na Nyamuwanga okutura ku‑rufu rwa Omwana waaye. Woori, kwa okubha chigwatanyiibhwe okutura ku‑rufu rwaye, chimari chirichungurwa okutura obhuwanga bhwaye.

Barumi 5:8

Nawe Nyamuwanga ꞉aacheeresiisye ati kaacheenda muno, kwa okusoosya Kirisito afwe inguru yeeswe, omwanya gunu chaariga chichaari abhakosi bha ebhibhiibhi.

Barumi 8:32

Nyamuwanga ꞉ataafwiriiye echigongo Omwana waaye omwene, tari ꞉aamusoosiisye korereki afwe inguru yeeswe bhoone. Kurwa ejo, araabha ꞉aasoosiisye Omwana waaye inguru yeeswe, chimari arichiyaana amabhando goone okutura ku‑mwene!

Baefeso 2:4

Nawe omwene, ku‑chigongo chaaye echaafu na ku‑ryenda ryaye eryafu kw‑iswe,

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

Tiito 3:4

Nawe Nyamuwanga Omuchungusi weeswe, ꞉eeresiisye bhwa ekisi na eryenda ryaye ku‑bhaanu na okuchichungura.

Baeburania 2:9

Nawe echirora Yeesu, unu Nyamuwanga ꞉aakorere okubha omutooto okukira bhamaraayika ku‑mwanya mufuyi era. Nyamuwanga ꞉aakorere kutyo, korereki okuruubhana na echigongo chaaye, Yeesu afwe inguru ya okuchungura abhaanu bhoone. Woori Nyamuwanga amuyaaye rikusyo na echibharo, ku‑songa ya okunyaaka na okufwa kwaye.

1 Yoana 3:1

Mbe, mwiganirisye kutyo Raata Nyamuwanga acheendere muno, okukingira okuchitoga ati chiri bhaana bhaaye! Chimari, nikwo kutyo chiri. Nawe abhaanu bhanu bhatakugayuka Nyamuwanga bhatakumenya ati, eswe chiri bhaana bhaaye, kwa okubha bhatakumusombookerwa.

1 Yoana 4:19

Woori, eswe echeenda Nyamuwanga na abheejaasu, kwa okubha omwene niwe ꞉aatangatire okucheenda eswe.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.