Yowana 3:13 - Indagano Inyaaya mu-Chijita

¹³ Atari‑wo omuunu woonewoone unu arajiiye mu‑rwire. Nawe anye Omwana wa Omuunu, naanye ꞉neejire okusooka mu‑rwire.

INDAGANO INYA:YA

¹³ Atario unu ararinyire mu rwire, tari unu aso:kere mu rwire, niwe Omwana wo mu:nu.

Yowana 3:13 ပူးပေါင်းရင်းမြစ်များ

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Matayo 8:20

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 13:3

Yeesu ꞉aamenyere ati Esemwene ꞉aamuyaaye obhuturo bhwa okutunga ebhiinu bhyone. Ka wone, aariga amenyere ati ꞉aasookere ku‑Nyamuwanga, na ati arisubha ku‑Nyamuwanga.

Yowana 17:5

Raata, enikusabhwa undeete rindi mw‑ikusyo ryawo, rikusyo rinu naariga niri naryo, omwanya gunu naariga niri aamwi na awe, bhunu waariga uchaari kubhumba echaaro.

Yowana 3:12

Naabhabhwira emisango jinu ejikorekena ku‑chaaro anu, nawe emwe mutakwikirisya. Woori omutura kutiki okunyikirisya araabha nikabhabhwira emisango jinu ejikorekena mu‑rwire?

Yowana 3:31

Unu asookere mu‑rwire, ari na obhuturo okukira abhaanu bhoone. Omuunu woonewoone wa ku‑chaaro, kaayika emisango ja ku‑chaaro kunu. Nawe unu asookere mu‑rwire, ari na obhuturo okukira abhaanu bhoone.

Yowana 6:33

Ebhiryo bhya Nyamuwanga ni bhinu bhiikire okusooka mu‑rwire, korereki bhiyaane abhaanu bhoone ku‑chaaro kunu obhuwanga bhwa akajaanende koone.”

Yowana 6:38

Anye ꞉niteejire okusooka mu‑rwire korereki nibhe ninkora jinu eneenda anye, tari korereki nibhe ninkora jinu keenda Raata unu ꞉aantumire.

Yowana 6:42

Nibhabhuusyanya ati, “Angu, omuunu unu atari Yeesu, omwana wa Jejefu? Noorwo abheebhusi bhaaye chibhamenyere. Woori, kaatura kutiki okwayika ati eekire okusooka mu‑rwire?”

Yowana 6:46

Atari‑wo omuunu woonewoone unu ararorere Raata Nyamuwanga, tari anye omwene unu nisookere ku‑mwene.

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Yowana 6:62

Woori, jiribha kutiki aribha mwandora anye Omwana wa Omuunu, nindiinya okugenda mu‑rwire anu naariga niri ku‑bhwambiro?

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

Ebikorwa 2:34

Okubha Dawudi omwene ꞉ataariinyire na okwingira mu‑rwire, nawe ꞉aayikire ati, ‘Raatabhugenyi Nyamuwanga ꞉aabhwiriiye Raatabhugenyi waani ati, “Inyanja orubhaara rwani rwa ebhuryo,

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Barumi 10:6

Nawe inguru ya okubharwa okubha omurengeresi imbere ya Nyamuwanga ku‑njira ya okwikirisya, Muusa ꞉aayikire ati, “Mwasiga okwibhuusya mu‑myoyo jeemwe ati, ‘Niga unu kaatura okuriinya inguru okukinga mu‑rwire?’” Okwayika kutyo kuri rwa okugenda okusabhwa Kirisito aaje ku‑chaaro anu.

1 Bakorinto 15:47

Omuunu wa okwamba, ꞉aamogerwe. Omuunu wa kabhiri, ꞉aasookereeye mu‑rwire.

Baefeso 1:23

Woori, rikanisa riri rwa omubhiri gwaye, riijuuye obhurame na amanaga gaaye. Omwene kaakuumisya joone ku‑bhuturo bhwaye.