Yowana 3:12 - Indagano Inyaaya mu-Chijita

¹² Naabhabhwira emisango jinu ejikorekena ku‑chaaro anu, nawe emwe mutakwikirisya. Woori omutura kutiki okunyikirisya araabha nikabhabhwira emisango jinu ejikorekena mu‑rwire?

INDAGANO INYA:YA

¹² Nikababwira ebya mu:si nemwe mutakwikirisya, ?muri:kirisya kutiki nikababwira ebya mu rwire?

Yowana 3:12 ပူးပေါင်းရင်းမြစ်များ

Yowana 3:11

Ni chimari enikubhwira ati, eswe echaayika jinu chimenyere, na echisoosya obhubhambaasi ku‑jinu chirorere. Nawe emwe mutakwikirisya obhubhambaasi bhweswe.

Yowana 3:3

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe rwa kabhiri.”

Yowana 3:5

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe mu‑manji na kwa Mwoyo Mweru.

Yowana 3:8

Mwoyo Mweru kaasusana na omuyaga gunu oguyemba okurosya enu ogwenda. Owutura okuungwa okuwutuutura kwagwo, nawe utakumenya anu ogusookerera na anu ogugenda. Nikwo kutyo jiri ku‑muunu woonewoone unu Mwoyo Mweru amukorere okubha omuyaaya echinyamwoyo.”

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Baeburania 5:11

Chiri na emisango myafu ja okubhabhwira inguru ya Yeesu okubha Omugabhisi Omukuru, nawe ni bhikomeeye okubhabhwira kwa okubha mutari bhaangu bha okujisombookerwa.

1 Yoana 4:10

Rinu niryo eryenda, jitari ati, eswe ꞉chaatangatire okwenda Nyamuwanga. Tari omwene niwe ꞉aatangatire okucheenda eswe. Nikwo okukora ˆnaatuma Omwana waaye, abhe echoogo cha okusoosya‑wo ebhibhiibhi bhyeswe na okuchigwatanya na Nyamuwanga.