Yowana 21:7 - Indagano Inyaaya mu-Chijita

⁷ Omwiyigisibhwa unu Yeesu aariga eendere muno, ˆnaabhwira Peetero ati, “Ni Raatabhugenyi!” Simooni Peetero ejire oongwa ati ni Raatabhugenyi, ˆnaafwara omwenda gwaye gunu ꞉aafuurire omwanya gunu ꞉aambire okutega, ˆneeyesa mu‑nyanja.

INDAGANO INYA:YA

⁷ Mbe omwiigisibwa oyo Yesu ariga endere nabwira Petero ati, Ni Ratabugenyi. Mbe Simoni Petero wejire ongwa ati, Ni Ratabugenyi, ne:boya omwenda, okuba ariga:ri tuyu, ne:esa mu nyanja.

Yowana 21:7 ပူးပေါင်းရင်းမြစ်များ

Mariko 11:3

Omuunu woonewoone akabhabhuusya ati, ‘Kurwa ki omukora kutyo?’ mumusubhye ati, ‘Raatabhugenyi kaachikena, kaja okuchisubhya anu rindi bhwangwe.’”

Ruuka 12:35

“Mubhega mutengeejere okunkorera emirimu, na jidara jeemwe jibhega nijaaka.

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Ruuka 7:47

Kurwa ejo, enikubhwira ati, kwa okubha eryenda ryaye omugasi oyo kw‑anye ni ryafu, eyeeresya ati, ebhibhiibhi bhyaye bhyafu bhyafwiriiywe echigongo. Nawe, omuunu woonewoone unu afwiriiywe echigongo ebhibhiibhi bhitooto, oyo keeresya eryenda etooto era.”

Yowana 13:23

Aariga ari‑wo omwiyigisibhwa umwi, unu Yeesu aariga eendere muno. Omwiyigisibhwa oyo, omwanya gwa okurya, aariga eenyanjire ayeeyi muno na Yeesu.

Yowana 19:26

Yeesu ejire aarora nyiramwene na omwiyigisibhwa unu Yeesu aariga eendere muno eemereeguuyu ayeeyi na nyiramwene, ˆnaayika ati, “Maayi, ringira oyo. Nuumukore okubha omwana waawo.”

Yowana 20:2

Mbe, ˆnaabhirima okusooka arya, ˆnaagenda ku‑Simooni Peetero na ku‑mwiyigisibhwa unu Yeesu aariga eendere muno. ˆNaabhabhwira ati, “Abhaanu bhasoosiisye omutumbi gwa Raatabhugenyi weeswe okusooka mu‑fwa, ka wone chitakumenya anu bhaagutuura!”

Yowana 20:20

Yeesu ejire aamara okubhabhwira ejo, ˆnaabheeresya amabhoko gaaye na orubhafu rwaye. Abheeyigisibhwa bhaaye bhejire bhaarora Raatabhugenyi, nibhakonderwa.

Yowana 20:28

Tomaasi ˆnaamusubhya ati, “Raatabhugenyi waani na Nyamuwanga waani!”

Yowana 21:20

Mbe, Peetero ˆneekebhuukira, ˆnaarora omwiyigisibhwa unu Yeesu aariga eendere muno, ˆnaabharuubhaga. Omwiyigisibhwa oyo, omwanya gwa okurya niwe aariga eenyanjire ayeeyi muno na Yeesu, na okumubhuusya ati, “Raatabhugenyi awe, niga unu kaja okukuromera iniku?”

Yowana 21:24

Omwiyigisibhwa oyo niwe urya ꞉aasoosiisye obhubhambaasi inguru ya emisango jinu na okujikaama. Eswe chimenyere ati jinu ꞉aayikire ni ja chimari.

Yowana 21:8

Abheeyigisibhwa abhandi nibhagenda na ingama ku‑njekekera ya inyanja, enu nibhakururaga rigoobhe rinu ryariga riijuuwe jiiswi. ꞉Bhaakorere kutyo, kwa okubha bhaariga bhatari kura na echaaro, gaariga wuti matambo egana rimwi kutya.

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

1 Bakorinto 15:47

Omuunu wa okwamba, ꞉aamogerwe. Omuunu wa kabhiri, ꞉aasookereeye mu‑rwire.

2 Bakorinto 5:14

Eryenda rya Kirisito erichisinyiirisya, okubha chimenyere ati omuunu umwi ꞉aafuuwe inguru ya abhaanu bhoone, obhugajuro bhwagwo ni ati, abhaanu bhoone ꞉bhaafuuwe.

Yakobo 2:1

Abhayiri bhaani mu‑riikirisya, rwa kutyo mwikirisiisye Raatabhugenyi weeswe Yeesu Kirisito owa rikusyo, musige okubha na isoroore ku‑bhaanu.