Yowana 21:12 - Indagano Inyaaya mu-Chijita

¹² Yeesu ˆnaabhwira abheeyigisibhwa bhaaye ati, “Muuje murye.” ꞉Ataabheeye‑wo omwiyigisibhwa unu ꞉aabhwene ribhaasi okumubhuusya ati, “Naawe ga?” ꞉Bhataabhwene ribhaasi, kwa okubha ꞉bhaamenyere ati aariga ari Raatabhugenyi.

INDAGANO INYA:YA

¹² Yesu nababwira ati, Nimu:je murye. Amwi mu be:igisibwa bae atabeemo wo kutumbirira okumubu:sya ati, Na:we:ga? Bamenyere ati, Ni Ratabugenyi.

Yowana 21:12 ပူးပေါင်းရင်းမြစ်များ

Matayo 22:46

Mbe, atari‑wo omuunu unu ꞉aaturire okusubhya gwonegwone. Ka wone okwambira awo, atari‑wo omuunu unu ꞉aaregeejere okubhuusya Yeesu amabhuusyo agandi.

Mariko 9:32

Abheeyigisibhwa bhaaye ꞉bhataasombookeeywe gunu aariga ˆnaayika, nawe nibhoobhaya okumubhuusya.

Ruuka 9:45

Nawe, emisango jinu Yeesu ꞉aabhabhwiriiye ꞉bhataajisombookeeywe, kwa okubha jaariga jiiserekere ku‑bheene, bhataakaturire okusombookerwa obhugajuro bhwajo. Nibhoobhaya okumubhuusya inguru ya emisango jaaye ejo.

Yowana 16:19

Yeesu ˆnaasombookerwa ati bheendaga okumubhuusya ku‑misango jinu aayika, mbe omwene ˆnaabhabhuusya ati, “Angu, omubhuusyanya inguru ya jinu naayika ati, ‘Kachaasigaaye‑wo katungu katooto era, mutakuja okundora, nawe akatungu ako kaakawa, murindora rindi’?

Yowana 21:11

Mbe Simooni Peetero ˆneengira mu‑ngama, ˆnaakururira mu‑ngama rigoobhe rinu ryariga riijuuye jiiswi. Mw‑igoobhe murya jaariga jiri‑mo jiiswi jinene egana rimwi makumi gataanu na esatu (153). Noorwo kutyo jaariga jiri‑mo jiiswi nyafu muno, rigoobhe ꞉ritaatemukire.

Yowana 21:15

Mbe, bhejire bhaamara okurya, Yeesu ˆnaabhuusya Simooni Peetero ati, “Simooni, omwana wa Yowana, angu, unyendere muno okukira kutyo abheejaanyu bhanu abhanyenda?” Peetero ˆnaamusubhya ati, “Yee, Raatabhugenyi, awe umenyere ati nikwendere.” Yeesu ˆnaamubhwira ati, “Yangarira abhaana bha jinaama bhaani.”

Yowana 4:27

Mbe, omwanya ogwo, abheeyigisibhwa bhaaye nibhasubha okusooka mu‑ruguuyo. Nibharuguura muno okurora ati Yeesu aariga ˆnaasimura na omugasi. Nawe atari‑wo omuunu noorwo umwi unu ꞉aabhuusiisye Yeesu ati, “Owumwenda‑ko ki?” amwi ati, “Kurwa ki owuroma nage?”

Ebikorwa 10:41

꞉Ataabhonekeene ku‑bhaanu bhoone, tari ku‑bhanu Nyamuwanga aariga aamarire okwawura okubha abhabhambaasi okumurora. Abhabhambaasi abho ni eswe, ꞉chaamurorere, ꞉chaariiye na okunywa aamwi nage, ejire aamara okusuuruka okusooka mu‑bhafuuwe.