Yowana 20:2 - Indagano Inyaaya mu-Chijita

² Mbe, ˆnaabhirima okusooka arya, ˆnaagenda ku‑Simooni Peetero na ku‑mwiyigisibhwa unu Yeesu aariga eendere muno. ˆNaabhabhwira ati, “Abhaanu bhasoosiisye omutumbi gwa Raatabhugenyi weeswe okusooka mu‑fwa, ka wone chitakumenya anu bhaagutuura!”

INDAGANO INYA:YA

² Mbe nabirima, na:ja ku Simoni Petero na ku mwiigisibwa oundi wuriya Yesu unu ariga endere, nababwira ati, Baso:sisyemo Ratabugenyi mu:fwa, citakumenya enu bamuta.

Yowana 20:2 ပူးပေါင်းရင်းမြစ်များ

Yowana 13:23

Aariga ari‑wo omwiyigisibhwa umwi, unu Yeesu aariga eendere muno. Omwiyigisibhwa oyo, omwanya gwa okurya, aariga eenyanjire ayeeyi muno na Yeesu.

Yowana 19:26

Yeesu ejire aarora nyiramwene na omwiyigisibhwa unu Yeesu aariga eendere muno eemereeguuyu ayeeyi na nyiramwene, ˆnaayika ati, “Maayi, ringira oyo. Nuumukore okubha omwana waawo.”

Yowana 20:13

Bhamaraayika abho nibhamubhuusya ati, “Maayi, kurwa ki owurira?” Omwene ˆnaabhasubhya ati, “Abhaanu bhaagega omutumbi gwa Raatabhugenyi waani, ka wone nitakumenya anu bhaagutuura!”

Yowana 20:15

Yeesu ˆnaamubhuusya ati, “Maayi, kurwa ki owurira? Angu, owuyenja ga?” Maryamu ˆneetogera ati omuunu oyo aariga ari mukosi wa mu‑mugunda, mbe ˆnaamusubhya ati, “Raata, araabha naawe ugegere omutumbi gwaye, mbwira anu waagutuura, nigende nigugege.”

Yowana 20:9

noorwo kutyo bhaariga bhachaari okusombookerwa Ebhikaame Ebhyeru bhinu ebhyayika ati, Yeesu ni bhusibhusi asuuruke okusooka mu‑bhafuuwe.

Yowana 21:20

Mbe, Peetero ˆneekebhuukira, ˆnaarora omwiyigisibhwa unu Yeesu aariga eendere muno, ˆnaabharuubhaga. Omwiyigisibhwa oyo, omwanya gwa okurya niwe aariga eenyanjire ayeeyi muno na Yeesu, na okumubhuusya ati, “Raatabhugenyi awe, niga unu kaja okukuromera iniku?”

Yowana 21:24

Omwiyigisibhwa oyo niwe urya ꞉aasoosiisye obhubhambaasi inguru ya emisango jinu na okujikaama. Eswe chimenyere ati jinu ꞉aayikire ni ja chimari.

Yowana 21:7

Omwiyigisibhwa unu Yeesu aariga eendere muno, ˆnaabhwira Peetero ati, “Ni Raatabhugenyi!” Simooni Peetero ejire oongwa ati ni Raatabhugenyi, ˆnaafwara omwenda gwaye gunu ꞉aafuurire omwanya gunu ꞉aambire okutega, ˆneeyesa mu‑nyanja.