Yowana 20:16 - Indagano Inyaaya mu-Chijita

¹⁶ Yeesu ˆnaamubhirikira risiina ryaye ati, “Maryamu!” Mbe Maryamu ˆneekebhuukira, ˆnaarora Yeesu, ˆnaamubhwira mu‑nyaayika ya Echiyebhuraniya ati, “Rabhooni!” Rabhooni, obhugajuro bhwago ni ati, “Omwiyigisya.”

INDAGANO INYA:YA

¹⁶ Yesu namubwira ati, Maryamu. Nacu:ka namubwira mu Cieburania ati, Raboni, kwo kwaika ati, Omwiigisya.

Yowana 20:16 ပူးပေါင်းရင်းမြစ်များ

Matayo 14:27

Awoawo, Yeesu ˆnaabhabhwira ati, “Musiiriike, musige okuubhaya! Naanye.”

Mariko 10:51

Yeesu ˆnaamubhuusya ati, “Oweenda nikukorere ki?” Omuwofu oyo ˆnaamusubhya ati, “Omwiyigisya, eneenda okurora.”

Ruuka 10:41

Raatabhugenyi Yeesu ˆnaamusubhya ati, “Maarita awe, Maarita awe! Ni kurwa ki owunyaaka na okusurumbasibhwa na emisango myafu kutyo?

Yowana 1:38

Yeesu ˆneekebhuukira, ˆnaarora nibhamuruubhaga. ˆNaabhabhuusya ati, “Omwenda ki?” Abheene nibhamubhuusya ati, “Awe Raabhi, wikaaye aaki?” Obhugajuro bhwa omusango “Raabhi” ni “Omwiyigisya.”

Yowana 1:49

Natanayeri ˆnaamusubhya ati, “Omwiyigisya, awe uri Mwana wa Nyamuwanga! Ka wone uri mukama wa Abhayisirayeeri!”

Yowana 10:3

Omuriisi wa rigutu kaamwigurira rirango, na jinaama ejuungwa obhuraka bhwaye. Omureefi kaabhirikira risiina rya bhuri naama yaaye na okujitangatira okuwuruka okuja anja.

Yowana 11:28

Maarita ejire aamara okwayika emisango ejo, ˆnaagenda okubhirikira Maryamu omuyara oweejaabho. Mbe, ˆnaamubhwira bhumbise ati, “Omwiyigisya ari anu, kaakubhirikira.”

Yowana 13:13

Emwe omumbirikira ati, ‘Omwiyigisya,’ ka wone omumbirikira ati, ‘Raatabhugenyi.’ Omukora kisi okumbirikira kutyo, kwa okubha nikwo kutyo niri.

Yowana 20:28

Tomaasi ˆnaamusubhya ati, “Raatabhugenyi waani na Nyamuwanga waani!”

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”

Yowana 5:2

Mu‑Yerusareemu omwo, ryariga riri‑wo rirango rinene rinu eritogwa ati, Rirango rya Jinaama. Ayeeyi na rirango eryo, ryariga riri‑wo ritanga rinene rinu risiina ryaryo mu‑nyaayika ya Echiyebhuraniya ni Bhetijaata. Ritanga eryo ryariga risingiiywe na amagaragariro gataanu ganu gaariga gagwatiriiywe na jingʼingi.

Yowana 6:25

Abhaanu abho bhejire bhaakinga ku‑ngego ya inyanja, nibhasongʼana Yeesu, nibhamubhuusya ati, “Omwiyigisya, ꞉weejire ri enu?”

Ebikorwa 10:3

Rusuku rumwi wuti saa etaanu na ena mu‑mwisi, Koroneeriyo ˆnaarora ebhiroro. Mu‑bhiroro ebhyo, ꞉aarorere abhwerubhweru maraayika wa Nyamuwanga ˆnaamusoromokera. Maraayika oyo ˆnaamubhirikira ati, “Koroneeriyo!”

Ebikorwa 9:4

ˆNaagwa aasi, ˆnoongwa obhuraka nibhumubhuusya ati, “Saawuri awe! Saawuri awe! Ni kurwa ki owunnyaasya?”