Yowana 2:2 - Indagano Inyaaya mu-Chijita

² Yeesu na abheeyigisibhwa bhaaye wone bhaariga bhakokerwe mu‑bhuregesi obhwo.

INDAGANO INYA:YA

² Yesu akokerwe mu buregesi amwi na be:igisibwa bae.

Yowana 2:2 ပူးပေါင်းရင်းမြစ်များ

Matayo 12:19

Ataribhambasyanya na abhaanu, noorwo okukora injogere nabho, ka wone, ataryamura obhuraka imbere ya abhaanu.

Matayo 25:40

Niwo anye Omukama, niribhasubhya ati, ‘Ni chimari enibhabhwira ati, choonechoone chinu ꞉mwakoreeye woonewoone mu‑bharuubhirisya bhaani unu kaabhonekana wuti atari wa obhusibhusi, mbe ꞉mwakoreeye anye.’

Matayo 25:45

Niwo anye niribhasubhya ati, ‘Ni chimari enibhabhwira ati, choonechoone chinu ꞉mutaakoreeye woonewoone mu‑bharuubhirisya bhaani unu kaabhonekana wuti atari wa bhusibhusi, mbe ꞉mwaremere okukorera anye.’

Yowana 2:12

Obhuregesi bhwejire bhwawa, Yeesu ˆnooromoka okugenda mu‑musi gwa Kaperinaawumu ari aamwi na nyiramwene, abhatooto bhaaye, na abheeyigisibhwa bhaaye. Nibheekara eyo siku nooto.

Yowana 2:17

Abheeyigisibhwa bhaaye bhejire bhoongwa ejo, nibheechuka emisango jinu jikaamirwe mu‑Bhikaame Ebhyeru ati, “Eryenda ryani inguru ya inju yaawo ni ryafu muno, na erija okundeetera orufu.”

Yowana 2:22

Mbe, Yeesu bhunu ꞉aasuurukire okusooka mu‑bhafuuwe, abheeyigisibhwa bhaaye nibheechuka emisango jinu ꞉aayikire. Kurwa ejo, nibheekirisya Ebhikaame Ebhyeru, na emisango jinu Yeesu ꞉aayikire.

Yowana 2:3

Echifuufu cha emijabhiibhu chejire chaawa, nyiramwene Yeesu ˆnaamubhwira ati, “Abhagenyi bhaamara echifuufu choone.”

Yowana 3:22

Mbe, ejo jejire jaawa, Yeesu na abheeyigisibhwa bhaaye, nibheeyinda mu‑mukoowa gwa Yuudeya. ˆNaabha nabho eyo ku‑mwanya omurebhe, ˆnaabhatiijaga abhaanu.

Yowana 4:2

Noorwo kutyo, echimari ni ati, Yeesu omwene ꞉ataabhatiijiisye omuunu woonewoone, tari bheeyigisibhwa bhaaye nibho bhaariga nibhabhatiija.

Yowana 4:33

Niwo abheeyigisibhwa bhaaye nibhaamba okubhuusyanya ati, “Angu, ari‑wo omuunu unu aamureetera ebhiryo?”

Yowana 4:8

Omwanya ogwo, abheeyigisibhwa bha Yeesu bhaariga bhagendere mu‑ruguuyo okugura ebhiryo.

Yowana 6:12

Abhaanu bhoone bhejire bheeguta, Yeesu ˆnaabhwira abheeyigisibhwa bhaaye ati, “Mukumanye ebhibhaara bhinu bhyasigara, korereki bhyasiga okunyamuka.”

Yowana 6:16

Keegoro yejire yaakinga, abheeyigisibhwa bha Yeesu nibhooromoka okuja ku‑nyanja ya Gariraaya.

Yowana 6:60

Abhaanu bhaafu mu‑bheeyigisibhwa bhaaye bhejire bhoongwa emisango ejo, nibhaayika ati, “Emisango jinu ni mikomeeye turuturu! Niga unu kaatura okujiikirisya?”

Yowana 6:66

Okusookerera omwanya gunu ꞉bhoonguuwe emisango ejo, abhaafu mu‑bheeyigisibhwa bhaaye, nibhamusiga, ꞉bhataaruubheene nage rindi.

Yowana 6:67

Niwo Yeesu ˆnaabhuusya abheeyigisibhwa ekumi na bhabhiri bharya ati, “Angu, emwe wone omwenda okunsiga?”

Yowana 6:70

Niwo Yeesu ˆnaabhabhwira ati, “꞉Naasorere emwe ekumi na bhabhiri okubha abheeyigisibhwa bhaani, nawe owumwi weemwe ni wa Syetaani.”

Yowana 6:71

Mu‑kwayika kutyo, Yeesu aariga ˆnaayikira Yuuda, omwana wa Simooni Isikariyooti. Yuuda oyo, niwe ꞉aaromeeye Yeesu iniku, noorwo kutyo aariga ari umwi mu‑bheeyigisibhwa bha Yeesu ekumi na bhabhiri.

Yowana 6:8

Niwo Andereya, unu aariga ari mwiyigisibhwa owundi wa Yeesu, ka wone aariga ari mumura waabho Simooni Peetero, ˆnaabhwira Yeesu ati,

Yowana 7:3

Niwo abhatooto bhaaye nibhamubhwira ati, “Sooka anu, ugende Yuudeya, korereki abheeyigisibhwa bhaawo bharore ebhiruguusyo bhinu owukora.

Ebikorwa 11:26

Ejire aamubhona, ˆnaamureeta Atiyookiya awo. Bharinaabha na Saawuri nibheekara na abheekirisya bharya omuguuga gwone, nibheeyigisyaga abhaanu bhaafu muno. Atiyookiya awo, niwo abheeyigisibhwa bha Yeesu ꞉bhaambire okutogwa ati, Abhakirisito.

Ebikorwa 11:29

Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

1 Bakorinto 10:31

Mbe woori, gwonegwone gunu omukora, kubhe ni kurya, kubhe ni kunywa, amwi noorwo omusango ogundi, mugukorega inguru ya okukusya Nyamuwanga.

1 Bakorinto 7:39

Omugasi unu atwawe, kaabhoywa na obhutwarwa omwanya gwone gunu omurume waaye ni muwanga. Nawe omurume waaye akeefurwa ˆnaafwa, awo kaabha mwitaage okutwarwa na omurume woonewoone unu keenda, nawe omurume oyo abhe ari muruubhirisya wa Raatabhugenyi.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

Baeburania 13:4

Obhutwarwa bhwenderwe bhuyaanwe echibharo na abhaanu bhoone. Omurume na omugasi bheekengega obhuromesi, kwa okubha Nyamuwanga ariramura abhasengani na abharomesi.

Obhusweruro 3:20

Mutegeresye! Anye niimereeguuyu ku‑muryango enibhirikira. Omuunu akoongwa obhuraka bhwani na okunyiigurira omuryango, eningira mu‑nju yaaye na okurya aamwi nage.