Yowana 2:19 - Indagano Inyaaya mu-Chijita

¹⁹ Yeesu ˆnaabhasubhya ati, “Mufumye Riyekaru rinu, na anye niriryumbaka rindi ku‑mwanya gwa siku esatu.”

INDAGANO INYA:YA

¹⁹ Yesu naindura nababwira ati, Mufumye iyekaru inu, nanye ndii:namusya mu siku isatu.

Yowana 2:19 ပူးပေါင်းရင်းမြစ်များ

Matayo 12:40

Rwa kutyo Yoona ꞉aabheeye mu‑nda ya iiswi inene siku esatu mu‑ngeta na mu‑mwisi, nikwo kutyo anye wone Omwana wa Omuunu, niribha mu‑fwa jisiku esatu mu‑ngeta na mu‑mwisi.

Matayo 16:21

Okusookerera omwanya ogwo, Yeesu ˆnaamba okubhwira abheeyigisibhwa bhaaye abhwerubhweru ati ni bhusibhusi agende Yerusareemu na okunyaasibhwa muno. ꞉Aabhabhwiriiye ati abhakuru bha Abhayawudi, abhakuru bha abhagabhisi na abheeyigisya bha ebhiraagiro bhya Muusa, bharimunyaasya okukingira okwitwa. Nawe ku‑rusuku rwa kasatu, arisuuruka.

Matayo 27:40

“Awe unu weeroraga ati ukafumiisye Riyekaru rya Nyamuwanga na okuryumbaka rindi ku‑mwanya gwa siku esatu, iwonʼya omwene. Mbe, araabha chimari uri Mwana wa Nyamuwanga, iika okusooka ku‑musarabha okwo!”

Matayo 27:63

Nibhabhwira Piraato ati, “Mwami, echiichuka ati bhunu omubheeyi urya aariga achaari muwanga, ꞉aayikire ati, ‘Ku‑rusuku rwa kasatu, nirisuuruka okusooka mu‑bhafuuwe.’

Mariko 14:58

“Eswe abheene ꞉choonguuwe omuunu unu ˆnaayikaga ati, ‘Anye nirifumya Riyekaru rya Nyamuwanga rinu ꞉ryombakirwe na abhaanu. Ka wone, niriryumbaka rindi mu‑siku esatu era, eryo ritaryumbakwa na abhaanu.’”

Mariko 15:29

Abhaanu bhanu bhaaturaga ku‑njira awo, bhaariga nibhamufuma enu nibhasingisyaga emitwe jeebhwe nibhaayikaga ati, “Aahaha! Awe unu weeroraga ati ukafumiisye Riyekaru rya Nyamuwanga na okuryumbaka rindi ku‑mwanya gwa siku esatu!

Mariko 8:31

Neeya Yeesu ˆnaamba okwiyigisya abheeyigisibhwa bhaaye ati jeenderwe omwene, Omwana wa Omuunu, anyaasibhwe muno, aremwe na abhakuru bha Abhayawudi, na abhakuru bha abhagabhisi, na abheeyigisya bha ebhiraagiro bhya Muusa, eetwe na ku‑rusuku rwa kasatu, arisuuruka.

Yowana 11:25

Yeesu ˆnaamusubhya ati, “Anye naanye obhusuuruko, ka wone naanye obhuwanga. Omuunu unu kaanyikirisya anye, noorwo araabha aakafwa, aribha omuwanga.

Yowana 5:19

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.

Ebikorwa 2:24

Nawe Nyamuwanga ˆnaamusoosya‑ko obhusungu obhururu bhwa orufu, kwa okumusuurura okusooka mu‑bhafuuwe, kwa okubha ꞉itaakaturikeene Yeesu agwatirirwe na amanaga ga orufu!

Ebikorwa 2:32

Yeesu oyo, Nyamuwanga ꞉aamusuuruuye okusooka mu‑bhafuuwe, eswe bhoone chiri abhabhambaasi bha omusango ogwo.

Ebikorwa 3:15

Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

Ebikorwa 3:26

Kurwa ejo, omwanya gunu Nyamuwanga ꞉aasorere omukosi waaye Yeesu, ꞉aamutumire kw‑imwe okwamba, korereki abhayaane amabhando kwa okubhasoosya bhuri muunu mu‑bhibhiibhi bhyaye.”

Ebikorwa 6:14

Okubha chaamuungwa ˆnaayikaga ati, Yeesu Omunajareeti arifumya Riyekaru rinu na ariyindura jitungwa jeeswe jinu Muusa ꞉aachiyaaye.”

Barumi 4:24

tari ꞉jaakaamirwe noorwo inguru ya eswe bhoone. Emisango ejo, ejichibhwira ati chikeekirisya Nyamuwanga unu ꞉aasuuruuye Yeesu Raatabhugenyi weeswe okusooka mu‑bhafuuwe, niwo eswe wone echibharwa okubha abharengeresi imbere ya Nyamuwanga.

Barumi 6:4

Omwanya gunu ꞉chaabhatiijiibhwe, chaariga wuti chifuuwe na okusiikwa aamwi nage, korereki rwa kutyo Kirisito ꞉aasuuruuywe okusooka mu‑bhafuuwe ku‑managa maafu ga Raata Nyamuwanga, nyabhuriko, noorwo eswe chiture okurama obhurame obhuyaaya.

Barumi 8:11

Mwoyo Mweru unu eekaaye mu‑myoyo jeemwe, niwe Mwoyo wa Nyamuwanga unu ꞉aasuuruuye Kirisito Yeesu okusooka mu‑bhafuuwe. Kurwa ejo, Nyamuwanga ariyaana obhuwanga emibhiri jeemwe jinu ejifwa, ku‑managa ga Mwoyo Mweru unu eekaaye mu‑myoyo jeemwe.

1 Bakorinto 15:12

Woori, araabha echiraasya ati Kirisito ꞉aasuurukire okusooka mu‑bhafuuwe, jaabha kutiki abhandi agati yeemwe abhaayika ati abhafuuwe bhatarisuuruka?

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.