Yowana 2:10 - Indagano Inyaaya mu-Chijita

¹⁰ Omutwasi ejire aakinga, omukuru wa obhuregesi ˆnaamubhwira ati, “Bhuri muunu unu kaakora obhuregesi kaatangataga okwamba okuyaana abhagenyi echifuufu cha ekisi. Abhagenyi bhaakanywa, nibheeywa, niwo kaareeta echifuufu chinu chitari cha ekisi. Nawe awe waareeta echifuufu cha ekisi muno ku‑bhuteero!”

INDAGANO INYA:YA

¹⁰ Namubwira ati, Mu:nu wo:ne kamba okutao amanji ge mijabibu age kisi. Nawe wora ba:nu be:guta, niwo natao ganu gatari ga kisi muno. Ka awe wabika amanji ge mijabibu age kisi kukinga woryanu.

Yowana 2:10 ပူးပေါင်းရင်းမြစ်များ

Matayo 24:49

Niwo ˆnaamba okubhuma abhagaya abheejaabho, na okubha omunanamba na omunywi wa obhwarwa aamwi na abhakorwa.

Ruuka 12:45

“Nawe, araabha omukosi oyo akeeganirisya mu‑mwoyo gwaye ati, ‘Mwami waani aakoora muno okusubha,’ niwo ˆnaamba okubhuma abhakosi bheejaabho, ˆnaamba okurya na okunywa obhwarwa ˆnaakingira okukorwa,

Ruuka 16:25

“Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.

Ebikorwa 2:15

Omwitogera ati abhaanu bhanu bhakorerwe, jitari kutyo. Woori anu ichaari saa esatu era katondo!

1 Bakorinto 11:21

okubha bhuri muunu kw‑imwe kaarya ebhiryo bhyaye omwene okurindirira wundi wuri. Kurwa ejo, abhandi abhasigara nibharumwaga omweko, na abhandi bhakorerwega.

Baefeso 5:18

Ka wone musige obhukorwa kwa okubha obhureterera obhunyamuke, tari mwijusibhwe Mwoyo Mweru,

1 Batesalonika 5:7

Mu‑ngeta nigwo omwanya gunu abhaanu abhawongera. Ka wone, nigwo omwanya gunu abhanywi bha obhwarwa, abhakorwa.

Obhusweruro 17:2

Abhakama bha echaaro ꞉bhaakorere obhuromesi nage, na abhaanu bhanu bheekaaye ku‑chaaro wone, bhakorerwe obhuromesi bhwaye rwa omuunu unu akorerwe echifuufu.”

Obhusweruro 17:6

꞉Naaruguurire muno, nejire naarora omugasi oyo akorerwe isagama ya abheeru bha Nyamuwanga, bhanu ꞉bheetirwe ku‑songa ya okubha abhabhambaasi bha Yeesu.