Yowana 19:11 - Indagano Inyaaya mu-Chijita

¹¹ Yeesu ˆnaamusubhya ati, “Utaakabheeye na obhuturo bhwonebhwone inguru yaani araabha ukabheeye utayaaywe na Nyamuwanga. Kurwa ejo, omuunu unu antuura mu‑mabhoko gaawo ari na echibhiibhi chinene muno okukira echaawo.”

INDAGANO INYA:YA

¹¹ Yesu namuindura ati, Utakabee na managa go:ne kwanye, kumba uja utagayabwa okuso:ka inguru. Unu akunde:tako kwakora naba ne cikayo cine:ne.

Yowana 19:11 ပူးပေါင်းရင်းမြစ်များ

Matayo 26:65

Mbe, omugabhisi omukuru ejire oongwa emisango ejo, ˆnaatemura emyenda jaaye, ˆnaayika ati, “Keefumirisya Nyamuwanga! Ni bhabhambaasi ki rindi bhanu echeenda? Mweyungwirwa emwe abheene kutyo keefumirisya Nyamuwanga!

Matayo 27:2

Niwo nibhamubhoya, nibhagenda nage ku‑mutungi wa Echiruumi unu aariga ˆnaatogwa Piraato.

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Mariko 14:44

Yuuda unu kaagenda okumutuura mu‑mabhoko ga abhasoko, atangatire okweresya abhaanu abho echibharikisyo. ꞉Aabhabhwiriiye ati, “Omuunu unu enija okukeesya kwa okumufumbeera, niwe omwene. Mumugwate, mumusire mumwangariiye.”

Ruuka 22:53

Mbawo siku joone naasiibhaga aamwi na emwe mw‑Iyekaru rya Nyamuwanga, nawe ꞉mutaangwatire? Nawe woori, gunu nigwo omwanya gwemwe, na ogwa obhutungi bhwa echisuute.”

Yowana 18:13

Mbe, nibhamusira okwamba ku‑Anaasi esebhuko Kayaafa. Kayaafa niwe aariga ari mugabhisi omukuru ku‑mwanya ogwo.

Yowana 18:3

Kurwa ejo, Yuuda ˆnaatangasya echise cha abhasirikare bha Echiruumi, aamwi na abhasirikare bha Riyekaru okusooka ku‑bhakuru bha abhagabhisi na ku‑Bhafarisaayo. Nibhagenda mw‑isambu eryo, bhagwatiriiyega jidara, ebhisiriira na ebhigwato.

Yowana 19:10

Mbe, Piraato ˆnaamubhuusya ati, “Kurwa ki utakunsubhya? Angu, utakumenya ati niri na obhuturo bhwa okukwigurira, na obhwa okukubhumiirira ku‑musarabha?”

Yowana 3:27

Yowana ˆnaabhasubhya ati, “Omuunu atakutura okubhona echiinu choonechoone, araabha atayaaywe na Nyamuwanga.

Yowana 7:30

Niwo abhaanu nibheenda okumugwata, nawe ꞉ataabheeye‑wo omuunu wa okumugwata, kwa okubha omwanya gwaye gwariga guchaari okukinga.

Yowana 9:41

Yeesu ˆnaabhasubhya ati, “Araabha mukabheeye muri bhawofu, mutaakabheeye abhakosi bha ebhibhiibhi. Nawe omwayika ati omurora kisikisi, kurwa ejo, omusigara na ebhibhiibhi bhyemwe.”

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

Ebikorwa 3:13

Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere.

Ebikorwa 4:28

Jinu ꞉bhaakorere, nijo jinu awe ꞉waaramuuye okwambira ku‑bhwambiro jikorekane, noorwo ejo wone ꞉jaakorekeene kwa obhwira bhwawo.

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

Barumi 13:1

Bhuri muunu keendwa ayaane echibharo abhatangasya bha echaaro. Mwichuke ati, obhuturo bhwone bhwa okutunga, obhusooka ku‑Nyamuwanga, ka wone omwene niwe ꞉aateeye abhatangasya ku‑bhutungi.

Yakobo 1:17

Bhuri echiinu cha ekisi chinu echiyaanwa, echisooka mu‑rwire ku‑Nyamuwanga Omubhumbi wa risuubha, okwesi na jinjota. Omwene ni wa ekisi siku joone, atakuyindukayinduka rwa rirengesi rinu erichuukurukachuukuruka.

Yakobo 4:17

Mbe, omuunu woonewoone unu amenyere okukora gwa ekisi, nawe atakugukora, oyo kaakora echibhiibhi.