Yowana 18:32 - Indagano Inyaaya mu-Chijita

³² Ejo ꞉jaakorekeene kutyo, korereki emisango jinu Yeesu ꞉aayikire jikuumire okweresya kutyo kaja okufwa.

INDAGANO INYA:YA

³² Omusango gwa Yesu guku:misibwe gunu a:ikire ne:resya okufwa kunu ariga najo:kufwa kutyo kuri.

Yowana 18:32 ပူးပေါင်းရင်းမြစ်များ

Matayo 20:19

Ku‑bhuteero, bharintuura mu‑mabhoko ga abhaanu bhanu bhatari Bhayawudi, korereki bhansiijaake, bhambume na jijaridi, na okumbumiirira ku‑musarabha. Nawe ku‑rusuku rwa kasatu, Nyamuwanga arinsuurura.”

Matayo 26:2

“Rwa kutyo mumenyere, jikatura siku ebhiri, echija okubha na ichikukuru ya Okwambuka. Ku‑rusuku orwo, anye Omwana wa Omuunu, nirituurwa mu‑mabhoko ga abhasoko, korereki nibhambwe ku‑musarabha.”

Mariko 10:33

ˆNaayika ati, “Ringira, echigenda Yerusareemu. Eyo niyo, anye Omwana wa Omuunu nirituurwa mu‑mabhoko ga abhakuru bha abhagabhisi na abheeyigisya bha ebhiraagiro bhya Muusa. Abho bharindamura ati niitwe. Ku‑bhuteero, bharintuura mu‑mabhoko ga abhaanu bhanu bhatari Bhayawudi.

Yowana 10:31

Awo niwo Abhayawudi nibhabhooja amabhuyi rindi, korereki bhamubhume nago na okumwita.

Yowana 10:33

Abhayawudi nibhamusubhya ati, “Chitakwenda okukubhuma na amabhuyi inguru ya okukora emisango ja ekisi, tari kwa okubha owifumiirisya Nyamuwanga. Ka wone owiyayika ati awe uri Nyamuwanga, keenu awe uri muunu era rwa abhandi!”

Yowana 13:18

“Nitakwayika ejo inguru yeemwe bhoone. Nimenyere bhanu nisorere okubha abheeyigisibhwa bhaani. Nawe ni bhusibhusi jikuumire jinu jikaamirwe mu‑Bhikaame Ebhyeru ati, ‘Omuunu unu aari naarya aamwi na anye, niwe aayinduka okubha omusoko waani.’

Yowana 18:31

Piraato ˆnaabhabhwira ati, “Mbe mumugege mugende okumuramura emwe abheene okuruubhana na ebhiraagiro bhyemwe.” Nawe Abhayawudi nibhamusubhya ati, “Chitari na obhuturo bhwa okuramura omuunu woonewoone ati afwe.”

Yowana 21:19

Yeesu ꞉aayikire kutyo okweresya ati ni rufu rwa mbaga ki runu Peetero arifwa, na kutyo ruriyaana Nyamuwanga rikusyo. Mbe, Yeesu ejire aamara okwayika ejo, ˆnaabhwira Peetero ati, “Nuunduubhe.”

Yowana 3:14

“Omwanya gunu Abhayisirayeeri bhaariga bhari mw‑ibhara, Muusa ꞉aakonjere risusano rya injoka ya isyabha na okurisunga kw‑iti, korereki bhawone. Nyabhuriko na anye Omwana wa Omuunu niryendwa okusungwa,

Yowana 8:28

Mbe, Yeesu ˆnaabhabhwira ati, “Omwanya gunu murinsunga inguru ku‑musarabha, awo niwo murimenya ati anye naanye Omwana wa Omuunu. Ka wone murimenya ati joone jinu enikora, nitakujikora ku‑bhuturo bhwani omwene, tari naayika jinu Raata ꞉aanyiyigisiisye.

Ebikorwa 7:59

Omwanya gunu bhaariga nibhabhuma Tefwano na amabhuyi, ˆnaasabhwa Nyamuwanga ˆnaayikaga ati, “Raatabhugenyi Yeesu, nuuramire omwoyo gwani!”

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”