Yowana 18:25 - Indagano Inyaaya mu-Chijita

²⁵ Omwanya ogwo, Simooni Peetero aariga acheemereeguuyu ˆnaabhiraga omuriro. Mbe, abhaanu abharebhe nibhamubhuusya ati, “Angu, awe wone utari umwi wa abheeyigisibhwa bha omuunu oyo?” Peetero ˆneegaana ˆnaayika ati, “Nitari anye.”

INDAGANO INYA:YA

²⁵ Na Simoni Petero ariga e:mereguyu nabira omuriro. Mbe nibamubu:sya ati, ?Na:we one uri wa mu be:igisibwa bae? Omwene ne:ga:na, na:ika ati, Anye uri.

Yowana 18:25 ပူးပေါင်းရင်းမြစ်များ

Matayo 26:69

Ku‑mwanya ogwo, Peetero aariga eenyanjire anja awo mu‑rubhuga. Niwo omukosi umwi wa echigasi ˆnaafogera ku‑Peetero, ˆnaamubhwira ati, “Awe waariga uri aamwi na Yeesu wa Gariraaya.”

Mariko 14:66

Ku‑mwanya ogwo, Peetero aariga eenyanjire mu‑rubhuga, emwaro ya echisago chinu Yeesu aariga ˆnaabhusibhwa‑mo. ˆNaaja omukosi umwi wa echigasi agati ya abhakosi bha omugabhisi omukuru.

Ruuka 22:55

Abhaanu abho bhejire bhaakinga mu‑rubhuga rwa omusi, nibhakuma echooto, nibheenyanja okubhira omuriro. Peetero wone, ˆnaaja okwinyanja aamwi nabho awo.

Ruuka 22:56

Omwanya gunu omuriro gwariga nigwaka, nigumumirika. Niwo omugayagasi umwi ˆnaamuringira nekeneke, ˆnaayika ati, “Omuunu unu, aariga ari aamwi na Yeesu.”

Ruuka 22:57

Nawe Peetero ˆneegaana, ˆnaayika ati, “Mugasi awe, anye nitakumumenya!”