Yowana 18:13 - Indagano Inyaaya mu-Chijita

¹³ Mbe, nibhamusira okwamba ku‑Anaasi esebhuko Kayaafa. Kayaafa niwe aariga ari mugabhisi omukuru ku‑mwanya ogwo.

INDAGANO INYA:YA

¹³ Nibatangata okumusira ku Anasi okuba ariga esebuko Kayafa, unu ariga:ri mugabisi Omukuru mu mwaka ogwo.

Yowana 18:13 ပူးပေါင်းရင်းမြစ်များ

Matayo 26:3

Mbe, omwanya ogwo abhakuru bha abhagabhisi na abhakuru bha Abhayawudi, nibheekumanya mu‑nju ya omugabhisi omukuru unu risiina ryaye aatogwaga ati Kayaafa.

Matayo 26:57

Mbe, abhaanu bhanu ꞉bhaagwatire Yeesu, ꞉bhaamusirire ku‑Kayaafa, omugabhisi omukuru. Mu‑nju ya omugabhisi oyo, nimwo bhaariga bheekumanyiisye abheeyigisya bha ebhiraagiro bhya Muusa na abhakuru bha Abhayawudi.

Ruuka 3:2

Anaasi na Kayaafa, abheene nibho bhaariga bhari abhagabhisi abhakuru. Ku‑muguuga ogwo, Yowana omwana wa Jaakariya, aariga ari ibhara. Mbe, ibhara eyo, Nyamuwanga ˆnaamuyaana omusango.

Yowana 11:49

Mbe, umwi mu‑bhakuru bharya risiina ryaye ˆnaatogwaga Kayaafa, unu aariga ari mugabhisi omukuru ku‑muguuga ogwo, ˆnaabhabhwira ati, “Emwe mutakumenya omusango gwonegwone!

Yowana 11:51

Kayaafa ꞉ataayikire emisango ejo mu‑kwenda kwaye omwene. Nawe ꞉aajaayikire, kwa okubha aariga ari mugabhisi omukuru ku‑muguuga ogwo. Kurwa ejo, aariga ˆnaaraga ati Yeesu kaja okufwa inguru ya Abhayawudi.

Yowana 18:24

Mbe, Anaasi ˆnaaragirira ati bhagege Yeesu abhoyerwe kutyokutyo, bhamusire ku‑mugabhisi omukuru, Kayaafa.

Yowana 18:28

Mbe bhwejire bhwacha, abhatangasya bha Abhayawudi nibhagega Yeesu okusooka ku‑Kayaafa. Nibhagenda nage mw‑iyumba rya omutungi wa Echiruumi. Nawe abheene ꞉bhateengiiye‑mo, korereki bhaasiga okwijabhiyasya nibhataamibhwa okurya ebhiryo bhya ichikukuru ya Okwambuka.

Yowana 19:11

Yeesu ˆnaamusubhya ati, “Utaakabheeye na obhuturo bhwonebhwone inguru yaani araabha ukabheeye utayaaywe na Nyamuwanga. Kurwa ejo, omuunu unu antuura mu‑mabhoko gaawo ari na echibhiibhi chinene muno okukira echaawo.”

Ebikorwa 4:6

Mw‑ibharaja eryo, bhaariga bhari‑mo Anaasi unu aariga ari omugabhisi omukuru, Kayaafa, Yowana, Arekijanda na abhandi bhanu bhaariga bhari bhaabho Anaasi.