Yowana 18:12 - Indagano Inyaaya mu-Chijita

¹² Mbe, omukuru wa abhasirikare bha Echiruumi, aamwi na echise chaaye cha abhasirikare, na abhasirikare bharya okusooka ku‑bhatangasya bha Abhayawudi, nibhagwata Yeesu, nibhamubhoya.

INDAGANO INYA:YA

¹² Mbe rise:mu:ta rya basirikare, no mukuru webwe na bakosi ba Bayaudi, nibagwata Yesu nibamuboya.

Yowana 18:12 ပူးပေါင်းရင်းမြစ်များ

Matayo 26:57

Mbe, abhaanu bhanu ꞉bhaagwatire Yeesu, ꞉bhaamusirire ku‑Kayaafa, omugabhisi omukuru. Mu‑nju ya omugabhisi oyo, nimwo bhaariga bheekumanyiisye abheeyigisya bha ebhiraagiro bhya Muusa na abhakuru bha Abhayawudi.

Matayo 27:2

Niwo nibhamubhoya, nibhagenda nage ku‑mutungi wa Echiruumi unu aariga ˆnaatogwa Piraato.

Matayo 27:27

Niwo abhasirikare bha omutungi wa Echiruumi nibhagega Yeesu, nibhagenda nage mw‑iyumba rya obhutungi. Abhasirikare abhandi bhoone, nibheekumanya mw‑iyumba omwo, nibheeyinda Yeesu.

Mariko 14:53

Niwo abhaanu abho nibhasira Yeesu ku‑mugabhisi omukuru. Mu‑nju ya omugabhisi oyo, nimwo ꞉bheekumanyiisye abhakuru bhoone bha abhagabhisi, abhakuru bha Abhayawudi na abheeyigisya bha ebhiraagiro bhya Muusa.

Mariko 15:1

Mwejo yende‑ko katondo, ribharaja ryone, nikwo okwayika ati, abhakuru bha abhagabhisi aamwi na abhakuru bha Abhayawudi, na abheeyigisya bha ebhiraagiro bhya Muusa, nibheenyanja echinyanjo. Nibharamura okukora obhutinge korereki bharore kutyo Yeesu kaja okwitwa. Niwo nibhamubhoya, nibhamusira na okumutuura mu‑mabhoko ga Piraato, omutungi wa Echiruumi unu aariga ˆnaatangasya echaaro cha Yuudeya.

Ruuka 22:54

Awoawo, abhaanu abho, nibhakurumuka, nibhagwata Yeesu, nibhamusira mu‑nju ya omugabhisi omukuru. Peetero aariga ˆnaamuruubhirira ari‑wo kura.

Yowana 18:3

Kurwa ejo, Yuuda ˆnaatangasya echise cha abhasirikare bha Echiruumi, aamwi na abhasirikare bha Riyekaru okusooka ku‑bhakuru bha abhagabhisi na ku‑Bhafarisaayo. Nibhagenda mw‑isambu eryo, bhagwatiriiyega jidara, ebhisiriira na ebhigwato.

Ebikorwa 10:1

Mu‑musi gwa Kayisaariya aariga ari‑mo omwangarisi wa abhasirikare, risiina ryaye aatogwaga Koroneeriyo. Oyo aariga eemereeguruuyu abhasirikare egana rimwi, okusooka mu‑chise echinene cha abhasirikare chinu chaatogwaga ati “Echise cha Yitaariya.”

Ebikorwa 21:31

Omwanya gunu bhaariga nibharonda injira korereki bheete Pawuro, emisango nijikingira omukuru wa abhasirikare bha Echiruumi ati, mbaara joone ja omusi gwa Yerusareemu abhaanu abhakora injogere.

Ebikorwa 21:37

Omwanya gunu abhasirikare abho ꞉bhaarebhereeye okwingisya Pawuro mu‑runengo rwebhwe, Pawuro ˆnaabhwira omukuru weebhwe oyo ati, “Nyikirisisya nirome na awe.” Omukuru oyo ˆnaamusubhya ati, “Kasi owumenya okwayika Echiyunaani.

Ebikorwa 23:10

Injogere niigenderera okukanya, okukingira omukuru wa abhasirikare urya ˆnaayaya, ˆneetogera ati bhakatabhuuye Pawuro bhibhaarabhaara. Kurwa ejo, ˆnaaragirira abhasirikare bhagende bhamusoosye agatigati ya abhaanu bharya kwa amanaga na okumwingisya mu‑runengo rwa obhutungi.