Yowana 17:9 - Indagano Inyaaya mu-Chijita

⁹ Enisabhirwa abho, kwa okubha ni bhaanu bhaawo. Nitakusabhirwa abhaanu bha ku‑chaaro kunu, nawe enisabhirwa bhanu awe ꞉waanaaye.

INDAGANO INYA:YA

⁹ Anye enibasabirwa abo, nitakusabirwa ca:ro, tari abo wananire, okuba ni bao.

Yowana 17:9 ပူးပေါင်းရင်းမြစ်များ

Ruuka 22:32

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

Ruuka 23:34

Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.” Abhasirikare abho bhejire bhaamara, nibhagabhana emyenda jaaye kwa okwitongya.

Ruuka 8:34

Mbe, abhareefi bha jimbiiji abho, bhejire bhaarora ejo, nibhabhirima, nibhagenda mu‑musi na mu‑nguuyo ja ayeeyi, nibharaasisya abhaanu emisango jinu ꞉jaakorekeene.

Yowana 14:16

Mbe, anye nirisabhwa Raata abhayaane Omusakisi owundi, korereki abhe aamwi na emwe siku joone.

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 17:20

“Nitakusabhirwa abheene era, tari nisabhirwa bhoone bhanu bharinyikirisya okuruubhana na jinu abheeyigisibhwa bhaani bharibheeyigisya.

Yowana 17:6

“Raata, naakuswerura kutyo uri ku‑bhaanu bhanu kara awo bhaariga bhari bha ku‑chaaro kunu. Abheene bhaariga bhari bhaawo, awe nuubhanaana. Ka wone bhagayukire omusango gwawo.

Yowana 6:37

Abhaanu bhoone bhanu Raata kaanaana, bhariija kw‑anye na okunyikirisya. Anye nitakurema noorwo umwi unu kaaja kw‑anye.

Yowana 6:39

Raata unu ꞉aantumire keenda ati, naasiga okubhusya noorwo omuunu umwi mu‑bhanu anaaye, tari nibhasuurure bhoone ku‑rusuku rwa obhuteero.

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

Baeburania 9:24

Kirisito ꞉ateengiiye Ayeeru a Ayeeru anu oombakirwe na omuunu. Orubhaara orwo ni chijekekanyo cha orubhaara rwa echimari runu ruri mu‑rwire. Tari omwene ꞉eengiiye mu‑rwire orwene. Eyo niyo kaachisabhirwa woori imbere ya Nyamuwanga.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 20:15

Omuunu woonewoone unu risiina ryaye ryariga ritakaamirwe mu‑chitabho cha obhuwanga, oyo wone ꞉eeserwe mu‑nyanja ya omuriro.