Yowana 17:6 - Indagano Inyaaya mu-Chijita

⁶ “Raata, naakuswerura kutyo uri ku‑bhaanu bhanu kara awo bhaariga bhari bha ku‑chaaro kunu. Abheene bhaariga bhari bhaawo, awe nuubhanaana. Ka wone bhagayukire omusango gwawo.

INDAGANO INYA:YA

⁶ Ne:resi:sye risi:na ryao ku ba:nu banu wananire mu ca:ro. Bariga bao, nubanana anye, no musango gwao bagugwatire.

Yowana 17:6 ပူးပေါင်းရင်းမြစ်များ

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 12:28

Raata Nyamuwanga, yeeresya rikusyo rya risiina ryawo.” Mbe, obhuraka okusooka mu‑rwire nibhwayika ati, “Neeresya rikusyo rya risiina ryani, ka wone nirigenderera okukora kutyo.”

Yowana 15:19

Araabha mukabheeye muri bhaanu bha ku‑chaaro kunu, abheene bhaakabheendaga rwa kutyo abheenda abhaanu bheende‑ko. Nawe emwe mutari bhaanu bha ku‑chaaro kunu, kwa okubha nibhasorere okusooka ku‑chaaro kunu. Eyo niyo isonga inu eyikora abhaanu bha ku‑chaaro kunu nibhabhasoka.

Yowana 15:3

Emwe mwakongoreeywe na okubha abheeru ku‑songa ya ameeyigisyo ganu naabheeyigisya.

Yowana 15:7

Araabha mukabha na obhumwi na anye, na emisango jaani jikabha mu‑myoyo jeemwe, mbe woori musabhwe Raata choonechoone chinu omwenda, omwene kaja okubhayaana.

Yowana 17:12

Omwanya gunu naariga niri aamwi nabho, naabharindaga ku‑bhuturo bhwa risiina ryawo rinu unaaye. ꞉Naabhaangariiye kisi korereki nisige okubhusya noorwo umwi ku‑bhanu, tari unu ꞉eenderwe okusingaarika, okukuumisya jinu jikaamirwe mu‑Bhikaame Ebhyeru.

Yowana 17:14

Naabhabhwira emisango jinu unaaye. Nawe abhaanu bha ku‑chaaro kunu abhabhasoka, kwa okubha abheeyigisibhwa bhaani bhatari bha ku‑chaaro kunu, rwa kutyo anye nitari wa ku‑chaaro kunu.

Yowana 17:16

Abheene bhatari bha ku‑chaaro kunu, rwa kutyo anye nitari wa ku‑chaaro kunu.

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Yowana 17:26

Anye nibheeyigisiisye kutyo uri, ka wone enija okugenderera okukora kutyo, korereki bheendane rwa kutyo awe unyendere, ka wone nibhe na obhumwi nabho.”

Yowana 17:7

Woori bhaasombookerwa ati bhyone bhinu ꞉waanaarire, ꞉bhyasookere kw‑awe,

Yowana 18:9

Yeesu ꞉aayikire kutyo korereki jikuumire jinu ꞉aayikire ku‑bhwambiro ati, “Naariga nimbangarira kisi bhanu ꞉waanaaye, korereki nisige okubhusya noorwo umwi weebhwe.”

Yowana 6:37

Abhaanu bhoone bhanu Raata kaanaana, bhariija kw‑anye na okunyikirisya. Anye nitakurema noorwo umwi unu kaaja kw‑anye.

Yowana 6:39

Raata unu ꞉aantumire keenda ati, naasiga okubhusya noorwo omuunu umwi mu‑bhanu anaaye, tari nibhasuurure bhoone ku‑rusuku rwa obhuteero.

Yowana 8:51

Ni chimari enibhabhwira ati, omuunu woonewoone unu kaagayuka ameeyigisyo gaani, atarifwa wuri.”

Yowana 8:52

Mbe, Abhayawudi abho nibhamubhwira Yeesu ati, “Woori echimenya ati, awe uri na risambwa! Bhurayimu ꞉aafuuwe, na abharagi wone ꞉bhaafuuwe. Nawe awe owaayika ati, ‘Omuunu woonewoone unu kaagayuka ameeyigisyo gaani, atarifwa wuri.’

Ebikorwa 13:48

Abhaanu bhanu bhatari Bhayawudi bhejire bhoongwa emisango ejo, nibhakonderwa na okukuuya Raatabhugenyi ku‑musango gwaye. Bhoone bhanu ꞉bhaasorerwe okubha na obhuwanga bhwa akajaanende, nibhamwikirisya Raatabhugenyi Yeesu.

Barumi 11:2

Nyamuwanga ataremere abhaanu bhaaye bhanu ꞉aabhamenyere noorwo echaaro chichaari okubhumbwa. Amwi mutakumenya chinu Ebhikaame Ebhyeru ebhyayika inguru ya omuragi Yeeriya? Omwanya gunu ꞉aajujuumiiye Nyamuwanga inguru ya Abhayisirayeeri, ꞉aayikire ati,

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

Baeburania 2:12

Yeesu ꞉aabhwiriiye Nyamuwanga ati, “Enija okusimura ebhikorwa bhyawo ebhikuru ku‑bhayiri bhaani, enija okwimba jinyimbo ja okukukusya agatigati ya eriikofyanyo ryebhwe.”

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

1 Petero 1:1

Inyarubha inu niikaamire anye Peetero, itumwa ya Yeesu Kirisito. Enikaamira emwe abhaanu bhanu musorerwe na Nyamuwanga, bhanu munyarageene rwa abhagenyi mu‑mikoowa ja Pooto, Garaatiya, Kapadookiya, Asiya na Bhitiniya.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

Obhusweruro 3:8

Enimenya ebhikorwa bhyemwe. Mutegeresye! Anye naabheegurira orwigi na atari‑wo omuunu unu kaatura okurwigara. Enimenya ati muri na amanaga amatooto, nawe mugwatire ameeyigisyo gaani, noorwo ꞉muteegaanire risiina ryani.