Yowana 17:3 - Indagano Inyaaya mu-Chijita

³ Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

INDAGANO INYA:YA

³ Bunu nibwo obuanga bwa kajanende, bakumenye awe Nyamuanga oumwi era owe cimari, na unu watumire, niwe Yesu Kristo.

Yowana 17:3 ပူးပေါင်းရင်းမြစ်များ

Mariko 9:37

“Omuunu woonewoone unu kaakuma omwana rwa unu kw‑isiina ryani, kaabha aankumire. Ka wone, omuunu unu kaankuma, kaabha atakumire anye era, tari kaabha akumire Nyamuwanga unu ꞉aantumire.”

Ruuka 9:48

ˆnaabhabhwira ati, “Omuunu unu kaakuma omwana omutooto rwa unu kw‑isiina ryani, kaabha aankumire anye. Ka omuunu woonewoone unu kaankuma anye, kaabha akumire unu ꞉aantumire. Okubha omutooto mw‑imwe bhoone, oyo niwe omukuru okukira bhoone.”

Yowana 10:36

Raata niwe ꞉aansorere na okuntuma ku‑chaaro kunu. Angu woori, ni kurwa ki omwayika ati, anye enifumiirisya Nyamuwanga omwanya gunu enaayika ati, ‘Anye niri Mwana wa Nyamuwanga’?

Yowana 11:42

Nimenyere ati owunyungwaga omwanya gwone, nawe enaayika jinu inguru ya echise cha abhaanu bhanu, korereki bheekirisye ati awe naawe untumire.”

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 17:18

Rwa kutyo ꞉waantumire anye ku‑chaaro kunu, nyabhuriko anye wone naabhatuma ku‑chaaro kunu.

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Yowana 17:25

Raata omurengeresi, abhaanu bha ku‑chaaro kunu bhatakukumenya. Nawe anye nikumenyere, ka wone abheeyigisibhwa bhaani abhamenya ati naawe ꞉waantumire.

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Yowana 3:34

kwa okubha Nyamuwanga ꞉aatumire Yeesu korereki aayike emisango jaaye. Nyamuwanga amuyaaye Mwoyo Mweru okurenga wuri.

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Yowana 6:57

Raata omuwanga ꞉aantumire, anye wone enibhona obhuwanga okusooka ku‑mwene. Nyabhuriko, omuunu woonewoone unu kaandya, kaabhona obhuwanga okusooka kw‑anye.

Yowana 7:29

Anye nimumenyere, kwa okubha nisookere ku‑mwene. Omwene niwe ꞉aantumire.”

Yowana 8:19

Niwo Abhafarisaayo nibhabhuusya Yeesu ati, “Angu, Esomwana ari aaki?” Yeesu ˆnaabhasubhya ati, “Anye mutakummenya, noorwo Raata waani mutakumumenya. Araabha mukammenyere anye, Raata waani wone mukamumenyere.”

1 Bakorinto 15:34

Mupaapuke mubhe na obhwenge rwa kutyo mukenerwe, musige okukora ebhibhiibhi. Abhandi agati yeemwe bhatakumenya Nyamuwanga. Enaayika ejo, korereki nibhaswasye.

1 Bakorinto 8:4

Woori inguru ya okurya ebhiryo bhinu bhisyengeeywe ku‑masusano, echimenya ati amasusano ganu agaramirisibhwa, gatari chiinu ku‑chaaro kunu. Ka wone echimenya ati ari‑wo Nyamuwanga umwi wenyere.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Bafilipi 3:10

Enikena nisombookerwe Kirisito muno na okubha na amanaga ganu Kirisito aariga ari nago omwanya gwa okusuuruka kwaye. Enikena obhumwi bhunu obhusooka mu‑kunyaaka rwa kutyo omwene ꞉aanyaakire, korereki nisusane nage mu‑kufwa kwaye.

Bafilipi 3:8

Noorwo jitari ejo era, tari enibhara emisango joone ati ni kufwirwa‑mo ukeenganyirisya na omuriiro gwa okusombookerwa Kirisito Yeesu Raatabhugenyi waani. Inguru ya omwene, naasiga kata emisango joone. Enijirora rwa amafwi, korereki nisombookerwe Kirisito kisi,

1 Batesalonika 1:9

Abhaanu abho abhatonda kutyo ꞉mwachikumire na kutyo ꞉mwasigire okuramya amasusano geemwe, nimuyinduka, nimuramya Nyamuwanga omuwanga na owa echimari.

2 Batesalonika 1:8

asingiiywega ribheesi rya omuriro. Omwene niwe ariramura abhaanu bhoone bhanu abharema Nyamuwanga, ka wone bhatakugayuka Emisango ja Ekisi ja Raatabhugenyi weeswe Yeesu.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

2 Petero 1:2

Obhwitiriranya na omurembe okusooka ku‑Nyamuwanga bhyongesibhwe kw‑imwe, ku‑njira ya okumenya Nyamuwanga na Yeesu, Raatabhugenyi weeswe.

2 Petero 1:3

Nyamuwanga okutura ku‑bhuturo bhwaye, achiyaaye emisango joone jinu echikena, korereki chibhe na obhuwanga na chimuyaane echibharo. Achiyaaye ejo, ku‑njira ya okumumenya unu achibhirikiiye ku‑songa ya rikusyo na obhwa ekisi bhwaye omwene.

2 Petero 1:8

Araabha jitungwa ejo jikeyongesya kw‑imwe, jiribhasakira musige okubha rwa amati ganu gatakusoosya amatwasyo, mu‑kusombookerwa Raatabhugenyi weeswe Yeesu Kirisito.

1 Yoana 1:2

Oyo niwe obhuwanga, ꞉aabhonekeene kw‑iswe na eswe nichimurora. Woori chibhabhwira na okubharaasisya echimari inguru ya obhuwanga bhwa akajaanende, bhunu bhwariga bhuri ku‑Raata Nyamuwanga, ˆnaabhuswerura kw‑iswe.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

1 Yoana 2:23

Omuunu woonewoone unu kaarema Omwana wa Nyamuwanga, atari na obhumwi na Raata Nyamuwanga. Nawe, unu keekirisya Omwana, imbere ya abhaanu, kaabha na obhumwi na Raata Nyamuwanga wone.

1 Yoana 4:6

Nawe eswe chiri bhaana bha Nyamuwanga. Omuunu woonewoone unu kaasombookerwa Nyamuwanga, keekirisya ameeyigisyo geeswe. Nawe unu atari mwana wa Nyamuwanga, atakugeekirisya. Nikwo kutyo echimenya obhutaasyanya bhwa abhaanu bhanu abhatangasibhwa na Mwoyo wa echimari, na bhanu abhatangasibhwa na mwoyo wa orubheeyi.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.