Yowana 17:25 - Indagano Inyaaya mu-Chijita

²⁵ Raata omurengeresi, abhaanu bha ku‑chaaro kunu bhatakukumenya. Nawe anye nikumenyere, ka wone abheeyigisibhwa bhaani abhamenya ati naawe ꞉waantumire.

INDAGANO INYA:YA

²⁵ Rata Omurenge:resi, i:si ita:kumenyere, nawe anye nakumenyere na banu bamenyere ati, na:we wantumire.

Yowana 17:25 ပူးပေါင်းရင်းမြစ်များ

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 16:16

Simooni Peetero ˆnaamusubhya ati, “Awe naawe Kirisito, Omwana wa Nyamuwanga omuwanga.”

Ruuka 10:22

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.”

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 10:15

rwa kutyo Raata ammenyere, anye wone nimumenyere kisi. Anye enisoosya obhuwanga bhwani inguru ya jinaama jaani.

Yowana 15:21

Nawe abhaja okubhakorera joone ejo kwa okubha omunduubha, ka wone kwa okubha bhatakumenya unu antumire.

Yowana 16:27

Raata omwene abheendere emwe, kwa okubha emwe wone munyendere anye, ka wone mwikirisiisye ati ꞉naasookere ku‑Raata.

Yowana 16:3

Bharibhakorera emisango ejo, kwa okubha bhatakumenya Raata, noorwo anye wone bhatakummenya.

Yowana 16:30

Woori chaasombookerwa ati umenyere joone, ka wone utakukena omuunu akubhuusye omusango gwonegwone. Ejo nijo jaakora chiikirisye ati, usookere ku‑Nyamuwanga.”

Yowana 17:11

Anye eniija kw‑awe, mbe nitakuja okubha rindi ku‑chaaro kunu. Nawe abheene abhagenderera okubha ku‑chaaro kunu. Raata Omweru, ubharinde ku‑bhuturo bhwa risiina ryawo rinu unaaye, korereki bhabhe chiinu chimwi rwa kutyo anye na awe chiri chiinu chimwi.

Yowana 17:18

Rwa kutyo ꞉waantumire anye ku‑chaaro kunu, nyabhuriko anye wone naabhatuma ku‑chaaro kunu.

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Yowana 6:19

Abheeyigisibhwa bha Yeesu bhejire bhaakinga obhureera bhwa kiromeeta etaanu amwi etaanu na imwi kutya, nibharora Yeesu ˆnaaribhata ku‑nyanja na okufogera ku‑ngama yeebhwe. Nibhoobhaya muno.

Yowana 7:29

Anye nimumenyere, kwa okubha nisookere ku‑mwene. Omwene niwe ꞉aantumire.”

Yowana 8:19

Niwo Abhafarisaayo nibhabhuusya Yeesu ati, “Angu, Esomwana ari aaki?” Yeesu ˆnaabhasubhya ati, “Anye mutakummenya, noorwo Raata waani mutakumumenya. Araabha mukammenyere anye, Raata waani wone mukamumenyere.”

Yowana 8:55

Emwe mutakumenya Nyamuwanga, nawe anye enimusombookerwa. Araabha nikaayikire ati nitakumusombookerwa, mbe naakabheeye omubheeyi rwa emwe. Nawe anye enimusombookerwa, ka wone enigayukaga jinu kaayika.

Ebikorwa 17:23

Okubha bhunu naagosoraga mu‑musi gunu, ꞉naarorere bhinu omuramya. ꞉Naarorere ku‑chigabhiro mukaamire‑ko ati, kw‑isambwa rinu ritakumenyekana. Nyamuwanga unu omuramya okumumenya wuri, niwe unu niijire okubhamenyesya.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Barumi 3:11

Atari‑wo omuunu unu kaasombookerwa emisango ja Nyamuwanga, ka wone atari‑wo unu kaayenja okumumenya.

Barumi 3:26

Ka wone ꞉aakorere kutyo, korereki eeresye obhurengeresi bhwaye ku‑mwanya gunu. Omwene ni murengeresi kwa okubha ꞉aayaaye Yeesu ebhitiibha inguru ya ebhibhiibhi bhya bhanu abhamwikirisya, ka wone kaabhabhara ati ni bharengeresi imbere yaaye inguru ya Yeesu.

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

1 Bakorinto 15:34

Mupaapuke mubhe na obhwenge rwa kutyo mukenerwe, musige okukora ebhibhiibhi. Abhandi agati yeemwe bhatakumenya Nyamuwanga. Enaayika ejo, korereki nibhaswasye.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

2 Batesalonika 1:8

asingiiywega ribheesi rya omuriro. Omwene niwe ariramura abhaanu bhoone bhanu abharema Nyamuwanga, ka wone bhatakugayuka Emisango ja Ekisi ja Raatabhugenyi weeswe Yeesu.

Baeburania 8:11

Ataribha‑wo omuunu woonewoone unu aribhaga ˆneeyigisya oweejaabho, amwi omuunu okubhwira omuyiri waaye ati, ‘Umenye Raatabhugenyi.’ Okubha bhoone, okwambira ku‑mutooto okukingira ku‑mukuru bharimmenya.

1 Yoana 1:9

Tari, araabha chikata ebhibhiibhi bhyeswe, Nyamuwanga kaachifwira echigongo ebhibhiibhi bhyeswe na okucheesya obhujabhi bhwone, kwa okubha omwene ni mwiyikanyibhwa ka wone ni murengeresi.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 16:5

Nejire neeya, ninuungwa obhuraka bhwa maraayika owa obhuturo ku‑manji, nibhwayikaga ati, “Awe Nyamuwanga Omweru unu waariga uri‑wo na unu uri‑wo woori, naawe omurengeresi na indamu yaawo ni ya obhurengeresi.