Yowana 17:23 - Indagano Inyaaya mu-Chijita

²³ Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

INDAGANO INYA:YA

²³ Anye mu bene, na:we mwanye, baku:mirire kuba umwi, eca:ro cimenyega ati, na:we wantumire, nubenda rwa kutyo wanyendere anye.

Yowana 17:23 ပူးပေါင်းရင်းမြစ်များ

Yowana 10:38

Nawe araabha enikora emirimu jinu Raata kaakora, noorwo araabha mutakunyikirisya anye, mbe mwikirisye emirimu ejo. Niwo omuja okusombookerwa chimari ati, Raata ari na obhumwi na anye, anye wone niri na obhumwi na Raata.”

Yowana 13:35

Araabha mukeendana, niwo abhaanu bhoone abhaja okumenya ati muri bheeyigisibhwa bhaani.”

Yowana 14:10

Angu, utakwikirisya ati anye niri na obhumwi na Raata, na Raata ari na obhumwi na anye? Emisango jinu enibhabhwira jitakusooka mu‑bhwiganirisya bhwani, nawe Raata, unu ari na obhumwi na anye, niwe kaakora emirimu jaaye okutura kw‑anye.

Yowana 14:23

Yeesu ˆnaamusubhya ati, “Omuunu woonewoone unu aanyendere, arigwata emisango jaani na Raata waani arimwenda. Ka wone anye na Raata chiriija ku‑mwene na okwikara aamwi nage.

Yowana 15:9

Rwa kutyo Raata aanyendere anye, nikwo kutyo anye wone nibheendere emwe. Mbe murame mu‑ryenda ryani.

Yowana 16:27

Raata omwene abheendere emwe, kwa okubha emwe wone munyendere anye, ka wone mwikirisiisye ati ꞉naasookere ku‑Raata.

Yowana 17:11

Anye eniija kw‑awe, mbe nitakuja okubha rindi ku‑chaaro kunu. Nawe abheene abhagenderera okubha ku‑chaaro kunu. Raata Omweru, ubharinde ku‑bhuturo bhwa risiina ryawo rinu unaaye, korereki bhabhe chiinu chimwi rwa kutyo anye na awe chiri chiinu chimwi.

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Yowana 17:26

Anye nibheeyigisiisye kutyo uri, ka wone enija okugenderera okukora kutyo, korereki bheendane rwa kutyo awe unyendere, ka wone nibhe na obhumwi nabho.”

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Yowana 6:56

Omuunu woonewoone unu kaarya omubhiri gwani na okunywa isagama yaani, oyo kaabha na obhumwi na anye, anye wone enibha na obhumwi nage.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bafilipi 3:15

Kurwa ejo, eswe bhoone bhanu chirumateene mu‑riikirisya, echikenwa okwikirisyanya ku‑misango ejo. Araabha muri na obhwiganirisya bhunu bhutaasyanyiisye na emisango ejo, Nyamuwanga niwe aribhaswerurira kutyo jiri.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

Bakolosai 3:14

Okukira ejo joone mwendane, kwa okubha eryenda niryo eribhagwatanya emwe bhoone mu‑bhumwi bhunu bhukuumiiye.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

1 Yoana 3:1

Mbe, mwiganirisye kutyo Raata Nyamuwanga acheendere muno, okukingira okuchitoga ati chiri bhaana bhaaye! Chimari, nikwo kutyo chiri. Nawe abhaanu bhanu bhatakugayuka Nyamuwanga bhatakumenya ati, eswe chiri bhaana bhaaye, kwa okubha bhatakumusombookerwa.

1 Yoana 4:19

Woori, eswe echeenda Nyamuwanga na abheejaasu, kwa okubha omwene niwe ꞉aatangatire okucheenda eswe.

Obhusweruro 3:9

Mutegeresye! Niribhareeta abharuubhirisya bha Syetaani. Abheene abheetoga ati ni bhaana bha Nyamuwanga keenu bhatari nibho, tari ni abhabheeyi. Mbe abho, niribhakora bhaaje bhabharamye. Niwo abho bhoone bharimenya ati nibheendere emwe.