Yowana 17:19 - Indagano Inyaaya mu-Chijita

¹⁹ Eniisoosya okukukorera emirimu ku‑songa yeebhwe, korereki abheene wone bheesibhwe mu‑chimari.

INDAGANO INYA:YA

¹⁹ Ka anye eniyesya kubwebwe, na bene one be:sibwe mu kumasya.

Yowana 17:19 ပူးပေါင်းရင်းမြစ်များ

Yowana 10:36

Raata niwe ꞉aansorere na okuntuma ku‑chaaro kunu. Angu woori, ni kurwa ki omwayika ati, anye enifumiirisya Nyamuwanga omwanya gunu enaayika ati, ‘Anye niri Mwana wa Nyamuwanga’?

Yowana 15:13

Atari‑wo omuunu unu ari na eryenda rinene okukira omuunu unu kaasoosya obhuwanga bhwaye inguru ya abhasaani bhaaye.

Yowana 15:3

Emwe mwakongoreeywe na okubha abheeru ku‑songa ya ameeyigisyo ganu naabheeyigisya.

Yowana 17:17

Raata, enikusabhwa ubheesye mu‑chimari chaawo, kwa okubha omusango gwawo nigwo echimari.

Yowana 17:20

“Nitakusabhirwa abheene era, tari nisabhirwa bhoone bhanu bharinyikirisya okuruubhana na jinu abheeyigisibhwa bhaani bharibheeyigisya.

1 Bakorinto 1:2

Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

2 Bakorinto 4:15

Emisango joone jinu echibhona, ni inguru yeemwe, korereki obhwitiriranya bhwa Nyamuwanga bhukingire abhaanu bhaafu muno, bhasiime muno Nyamuwanga. Ku‑gwo, Nyamuwanga arigenderera okukusibhwa.

2 Bakorinto 7:14

Okubha jikabheeye ati, ꞉naabhakuuyiisye muno imbere yaaye ku‑musango gwonegwone, ꞉nitaaswasiibhwe. Joone jinu chaariga nichibhabhwira jaariga jiri ja chimari. Nyabhuriko, jinu ꞉chaabhakuuyiisye imbere ya Tiito, wone jaabhonekana ati ni ja chimari.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

1 Batesalonika 4:7

Okubha Nyamuwanga ꞉ataachibhirikiiye korereki chikore obhujabhi, tari ꞉aachibhirikiiye chirame mu‑bhweru.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 10:29

Mbe woori mwiganirisye! Ebhitiibha bhiribha kutiki ku‑muunu unu kaagaya Omwana wa Nyamuwanga na okurora isagama ya indagano inu ꞉yaamwesiisye noorwo ebhibhiibhi bhyaye ati chitari chiinu cha obhugajuro? Angu, ebhitiibha bhiribha kutiki ku‑muunu oyo, nikwo okwayika ati, unu keeyimirisya Mwoyo Mweru wa obhwitiriranya?

Baeburania 2:11

Yeesu aamwi na abhaanu bhanu keesya ebhibhiibhi bhyebhwe, Esemwene ni umwi. Nikwo okukora Yeesu atakwiswara okubhabhirikira ati abhayiri bhaaye.

Baeburania 9:13

Okuruubhana na ebhiraagiro bhya Muusa, abhagabhisi bhaariga nibhamiijirira orwamba rwa jimbusi na orwa jindume na riifu rya echinyara ku‑bhaanu bhanu bhaariga bhari bhajabhi, korereki bheesibhwe emibhiri jeebhwe.

Baeburania 9:18

Nikwo okukora noorwo indagano ya kara irya yaariga iri na amanaga era ku‑songa ya orwamba rwa jityanyi runu ꞉rwetikire.

Baeburania 9:26

Araabha jikabheeye jitari kutyo, mbe, akeenderwe okunyaaka kwiya kaafu okusookerera okubhumbwa kwa echaaro. Nawe woori mu‑siku ja obhuteero jinu, eejire na okwisoosya okubha echoogo rumwi era, korereki achisoosye‑ko ebhibhiibhi bhyeswe.

1 Yoana 3:18

Abhaana bhaani mu‑riikirisya, chisige okwayika mu‑kanwa era ati echeendana. Tari cheendane kwa eryenda rya echimari kwa okusakirana abheene kwa abheene.

1 Yoana 3:3

Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.