Yowana 17:18 - Indagano Inyaaya mu-Chijita

¹⁸ Rwa kutyo ꞉waantumire anye ku‑chaaro kunu, nyabhuriko anye wone naabhatuma ku‑chaaro kunu.

INDAGANO INYA:YA

¹⁸ Rwa kutyo wantumire anye mu:si, nanye one nabatumire mu:si.

Yowana 17:18 ပူးပေါင်းရင်းမြစ်များ

Matayo 10:5

Mbe, Yeesu ˆnaatuma jitumwa ekumi na bhabhiri abho, ˆnaabharagirira, ˆnaabhabhwiraga ati, “Mwasiga okuja mu‑bhyaro bhya abhaanu bhanu bhatari Bhayawudi, ka wone, mwasiga okwingira mu‑musi gwonegwone gwa Abhasamaariya.

Matayo 23:34

“Ringira, nikwo okukora, enibhatumira abharagi bha Nyamuwanga, abhaanu bhanu abhasombookerwa kisi Ebhikaame Ebhyeru, na abheeyigisya bha ebhiraagiro bhya Nyamuwanga. Nawe abhaanu abharebhe ku‑bheene, muribheeta na okubhabhamba ku‑musarabha. Abhandi muribhabhuma na jijaridi mu‑nju ja ameekofyanyo geemwe, na abhandi muribharuubhirira mu‑bhuri musi na okubhanyaasya.

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Yowana 17:25

Raata omurengeresi, abhaanu bha ku‑chaaro kunu bhatakukumenya. Nawe anye nikumenyere, ka wone abheeyigisibhwa bhaani abhamenya ati naawe ꞉waantumire.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Yowana 20:21

Yeesu ˆnaabhakeesya rindi ati, “Omurembe gubhe aamwi na emwe. Rwa kutyo Raata ꞉aantumire, nyabhuriko anye wone enibhatuma.”

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Yowana 4:38

꞉Naabhatumire okugesa bhinu emwe ꞉mutaanyaakiriiye. Abhaanu abhandi nibho ꞉bhaakorere emirimu joone emikomeeye, nawe woori, emwe neemwe omubhona omuriiro gwa emirimu jeebhwe.”

2 Bakorinto 5:20

Mbe, Kirisito achitumire okukora emirimu jaaye, na okutura kw‑iswe Nyamuwanga keerembeeresya abhaanu ati, bhagwatanyibhwe nage. Echibhasabhwa inguru ya Kirisito ati, mugwatanyibhwe na Nyamuwanga.

Baefeso 3:7

Anye ꞉naakorerwe omukosi wa Emisango ja Ekisi ejo, ku‑chiyaanwa cha obhwitiriranya bhwa Nyamuwanga bhunu ꞉aanaaye ku‑bhuturo bhwaye obhukuru.