Yowana 16:7 - Indagano Inyaaya mu-Chijita

⁷ “Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe.

INDAGANO INYA:YA

⁷ Nawe anye enibabwira cimari ati, Kube:ire emwe anye okugenda. Okuba anye nikarema okugenda, Omusi:ri:sya ataribe:jira. Nawe nikagenda, ndimutuma kwimwe.

Yowana 16:7 ပူးပေါင်းရင်းမြစ်များ

Ruuka 24:49

“Woori muringire, enibhareetera Mwoyo Mweru rwa kutyo Raata waani aariga aragire. Nawe mwikare mu‑musi munu, okukingira omwanya gunu muriyaanwa obhuturo okusooka inguru mu‑rwire.”

Ruuka 4:25

“Nawe, muntegeresye kisi! Enibhabhwira echimari ati, bhaariga bhari‑wo abhatumbagasi bhaafu mu‑chaaro cha Yisirayeeri, mu‑siku ja obhurame bhwa omuragi Yeeriya. Ku‑mwanya ogwo ingʼubha ꞉itaaguuye miguuga esatu na ameesi gataanu na kumwi, omweko mwafu muno nigwingira mu‑chaaro choone.

Ruuka 9:27

“Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okurora obhukama bhwa Nyamuwanga!”

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 14:28

꞉Mwoonguuwe jinu ꞉naabhabhwiriiye ati, ‘Enigenda, nawe niriija rindi kw‑imwe.’ Araabha chimari mwakanyendere, mwakabheeye nimukonderwa okuungwa ati enigenda ku‑Raata, kwa okubha Raata ni mukuru okukira anye.

Yowana 14:3

Omwanya gunu nirimara okubheerabhira obhwikaro, niriija rindi okubhagega korereki anu niribha, emwe wone niwo muribha aamwi na anye.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

Yowana 16:8

Omusakisi urya akaaja, aribhaga ˆneeresya abhaanu bha ku‑chaaro kunu ati ni bhakosi bha ebhibhiibhi, na ati anye niri murengeresi, ka wone ati Nyamuwanga aribharamura.

Yowana 7:39

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

Ebikorwa 10:34

Niwo Peetero ˆnaamba okwayika ati, “Woori niwo naamenya ati ni chimari, Nyamuwanga atari na isoroore mu‑bhaanu!

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Barumi 8:28

Chimenyere ati, mu‑joone Nyamuwanga kaakorera eja ekisi abhaanu bhanu abhamwenda, nibho bhabhirikiiywe okuruubhana na obhutinge bhwaye.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.