Yowana 16:30 - Indagano Inyaaya mu-Chijita

³⁰ Woori chaasombookerwa ati umenyere joone, ka wone utakukena omuunu akubhuusye omusango gwonegwone. Ejo nijo jaakora chiikirisye ati, usookere ku‑Nyamuwanga.”

INDAGANO INYA:YA

³⁰ Wori camenya ati, awe umenyere byone, amwi utakenere mu:nu wo:ne kukubu:sya. Nikwo ecikora nici:kirisya ati waso:kere ku Nyamuanga.

Yowana 16:30 ပူးပေါင်းရင်းမြစ်များ

Yowana 16:17

Mbe, abheeyigisibhwa bhaaye abhandi nibhabhuusyanya ati, “Angu, obhugajuro bhwaye niki okwayika ati, ‘Kachaasigaaye‑wo katungu katooto era, mutakuja okundora, ka wone akatungu ako kaakawa, murindora rindi,’ na ati, ‘Kwa okubha enigenda ku‑Raata’?”

Yowana 16:23

Ka wone orusuku orwo rurikinga, mutarikena okumbuusya omusango gwonegwone. “Ni chimari enibhabhwira ati, joone jinu omuja okusabhwa okutura kw‑isiina ryani, Raata kaja okubhayaana.

Yowana 16:26

Ku‑mwanya ogwo, muribhaga nimusabhwa Nyamuwanga kw‑isiina ryani. Nitakwayika ati anye niribhaga nimbasabhirwa ku‑Raata.

Yowana 16:31

Yeesu ˆnaabhabhuusya ati, “Angu, woori mweekirisya?

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Yowana 2:11

Yeesu ꞉aakorere echibharikisyo echo mu‑musi gwa Kaana mu‑mukoowa gwa Gariraaya. Echo nicho echibharikisyo cha okwamba chinu ꞉aakorere okweresya rikusyo ryaye, na abheeyigisibhwa bhaaye nibhamwikirisya.

Yowana 21:17

Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Yowana 5:20

Okubha Raata keenda Omwana waaye, niyo isonga kaamweresya emirimu joone jinu kaakora. Ka wone, Esemwene kaja okumweresya kutyo kaja okukora emisango emisito okukira jinu aakorere, ka emwe omuja okuruguura muno.

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

Baeburania 4:13

Chitari‑wo echibhumbwa choonechoone chinu chiiyibhisire imbere ya Nyamuwanga. Ebhiinu bhyone bhiri abhweru imbere yaaye, na ku‑mwene chiryendwa okweresya ebhikorwa bhyeswe bhyone.