Yowana 16:2 - Indagano Inyaaya mu-Chijita

² Abhaanu bharibhakindika mu‑nju ja ameekofyanyo. Oguuja omwanya gunu bhuri muunu unu aribheetaga, ariitogera ati kaakora emirimu ja Nyamuwanga.

INDAGANO INYA:YA

² Barabairisyaga mu mekofyanyisyo. Yee, omwanya ogu:ja, unu wo:ne arabe:taga are:ganirisyaga ati kakorera Nyamuanga.

Yowana 16:2 ပူးပေါင်းရင်းမြစ်များ

Matayo 10:28

Mwasiga okuubhaya abhaanu bhanu abhatura okwita omubhiri era, nawe bhatakutura okwita omwoyo. Emwe muubhayega Nyamuwanga eenyere, kwa okubha omwene niwe kaatura okusingaarisya omubhiri na omwoyo mu‑muriro gwa akajaanende koone.

Matayo 24:9

Ku‑mwanya ogwo, abhaanu bharibhaga nibhabhanyaasya na okubheeta na abhaanu bha amaanga goone bharibhasoka kwa okubha muri bharuubhirisya bhaani.

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Yowana 12:42

Nawe noorwo, mu‑bhatangasya bha Abhayawudi bhaariga bhari‑mo bhaafu bhanu ꞉bheekirisiisye Yeesu. Nawe ꞉bhataayikire abhwerubhweru ati bhamwikirisya, kwa okubha bhoobhayaga okukindikwa na Abhafarisaayo okusooka mu‑nju ja ameekofyanyo.

Yowana 16:25

“Naabhabhwira emisango ejo joone ku‑bhijekekanyo. Omwanya oguuja gunu nitaryayika na emwe ku‑bhijekekanyo, nawe niribhabhwira abhwerubhweru inguru ya Raata.

Yowana 16:32

Ringira omwanya ogufogera, ka wone guri yeeyi muno, gunu bhoone murinyaragana. Emwe bhoone murigenda mu‑misi jeemwe, na okunsiga anye eenyere. Nawe nitaribha anye eenyere, kwa okubha Raata ari aamwi na anye.

Yowana 4:21

Yeesu ˆnaamusubhya ati, “Maayi, nuunyiikirisye, omwanya guriija gunu mutariramya Raata Nyamuwanga ku‑chiima chinu amwi mu‑Yerusareemu erya.

Yowana 4:23

Omwanya oguuja, ka wone, gwakingire, gunu abhaanu bhanu abheenda okuramya Raata Nyamuwanga mu‑chimari, bharimuramyaga kwa Mwoyo na echimari. Raata Nyamuwanga keenda abhaanu rwa abho, nibho bhabhega nibhamuramya.

Yowana 9:22

Abheebhusi bhaaye ꞉bhaayikire kutyo, kwa okubha bhaariga nibhoobhaya. Okubha, abhatangasya bha Abhayawudi abho bhaariga bheekirisyanyiisye ati, omuunu woonewoone unu keekirisya ati Yeesu niwe Kirisito, kaja okukindikwa mu‑nju ja ameekofyanyo geebhwe.

Yowana 9:34

Abheene nibhamusubhya ati, “Awe ꞉weebhuuywe uri owa ebhibhiibhi kata. Woori, uri na obhuturo ki bhwa okuchiiyigisya?” Mbe, nibhamubhirimya asooke mu‑nju ya eriikofyanyo.

Ebikorwa 5:33

Abhakuru abho bhejire bhoongwa ejo, ꞉bhaabhiyiiywe muno, bhaariga nibheenda okwita jitumwa ejo.

Ebikorwa 7:56

Awo ˆnaayika ati, “Murore! Enirora orwire rwigukire, na Omwana wa Omuunu eemereeguuyu orubhaara rwa ebhuryo rwa Nyamuwanga!”

1 Bakorinto 4:13

Omwanya gunu abhachaayika kubhiibhi, eswe echibhaayika kisi. Noorwo woori, echikorwa rwa ifwere ya echaaro, na ku‑bhuri muunu eswe chiri bhujabhi.

Bafilipi 3:6

Ka wone ꞉neekomeesiisye muno okukora emisango jinu neetogeraga ati nijo Nyamuwanga kaakena. Echo nicho ꞉chankorere ninyaasya abheekirisya. Mu‑bhurengeresi bhunu obhubhonekana mu‑bhiraagiro bhya Muusa, naariga nitari na echikayo choonechoone.

Obhusweruro 6:9

Neeya, Omwana wa Inaama ˆnaasuruumura imboyero ya kataanu ya obhurimbo. Mw‑ifuufu rya echigabhiro, nindora emitima ja abhaanu. Abhaanu abho bhaariga bheetirwe ku‑songa ya okwikirisya omusango gwa Nyamuwanga na okuguraasya ku‑bhaanu abhandi.