Yowana 16:17 - Indagano Inyaaya mu-Chijita

¹⁷ Mbe, abheeyigisibhwa bhaaye abhandi nibhabhuusyanya ati, “Angu, obhugajuro bhwaye niki okwayika ati, ‘Kachaasigaaye‑wo katungu katooto era, mutakuja okundora, ka wone akatungu ako kaakawa, murindora rindi,’ na ati, ‘Kwa okubha enigenda ku‑Raata’?”

INDAGANO INYA:YA

¹⁷ Abe:igisibwa bae abandi nikwo bakorere niba:ika abene:ra ati, ?Niki cinu kacibwira ati, Gwasigaeo mwanya muto:to, mutakusuba kundora, ka na rindi guribao mwanya muto:to, nimusubo:kundora, na ka ati, Okuba enigenda ku Rata?

Yowana 16:17 ပူးပေါင်းရင်းမြစ်များ

Mariko 9:10

Abheeyigisibhwa abho nibhagwata omusango ogwo, nawe nibhabhuusyanyaga abheene kwa abheene ati, “Okusuuruka okusooka mu‑bhafuuwe obhugajuro bhwagwo niki?”

Mariko 9:32

Abheeyigisibhwa bhaaye ꞉bhataasombookeeywe gunu aariga ˆnaayika, nawe nibhoobhaya okumubhuusya.

Ruuka 18:34

Emisango jinu Yeesu ꞉aabhabhwiriiye, ꞉bhataajisombookeeywe wuri noorwo na akatyari, kwa okubha obhugajuro bhwajo bhwariga bhwiserekere. ꞉Bhataasombookeeywe ati obhugajuro bhwajo ki.

Ruuka 9:45

Nawe, emisango jinu Yeesu ꞉aabhabhwiriiye ꞉bhataajisombookeeywe, kwa okubha jaariga jiiserekere ku‑bheene, bhataakaturire okusombookerwa obhugajuro bhwajo. Nibhoobhaya okumubhuusya inguru ya emisango jaaye ejo.

Yowana 12:16

Omwanya ogwo, abheeyigisibhwa bha Yeesu ꞉bhataasombookeeywe emisango ejo. Nawe Yeesu ejire eengʼengibhwa inguru mw‑ikusyo, niwo nibheechuka ati ejo jaariga jikaamirwe na nikwo kutyo ꞉bhaamukoreeye.

Yowana 14:22

Mbe, omwiyigisibhwa umwi risiina ryaye Yuuda, atari Yuuda Isikariyooti, ˆnaabhuusya Yeesu ati, “Raatabhugenyi, eyiturikana kutiki okwiyeresya kw‑iswe, nawe utakwiyeresya ku‑bhaanu abhandi bha ku‑chaaro kunu?”

Yowana 14:5

Niwo, Tomaasi ˆnaabhuusya Yeesu ati, “Raatabhugenyi awe, eswe chitakumenya enu owuja. Angu, echitura kutiki okumenya injira?”

Yowana 16:1

“Naabhabhwira joone ejo korereki mwasiga okusiga eriikirisya ryemwe.

Yowana 16:16

“Kachaasigaaye‑wo katungu katooto era, mutakuja okundora, ka wone akatungu ako kaakawa, murindora rindi.”

Yowana 16:18

Mbe, nibhagenderera okubhuusyanya ati, “Obhugajuro bhwa ‘Katungu katooto’ niki? Eswe chitakusombookerwa jinu kaayika.”

Yowana 16:19

Yeesu ˆnaasombookerwa ati bheendaga okumubhuusya ku‑misango jinu aayika, mbe omwene ˆnaabhabhuusya ati, “Angu, omubhuusyanya inguru ya jinu naayika ati, ‘Kachaasigaaye‑wo katungu katooto era, mutakuja okundora, nawe akatungu ako kaakawa, murindora rindi’?

Yowana 16:5

Mbe, woori enigenda ku‑Raata, oyo niwe ꞉aantumire kw‑imwe. Nawe atari‑wo woonewoone agati yeemwe wa okumbuusya ati, ‘Angu, owuja aaki?’