Yowana 16:13 - Indagano Inyaaya mu-Chijita

¹³ Mwoyo wa echimari oyo, aribha aaja kw‑imwe, aribhatangasya okusombookerwa echimari choone. Ataryayika ku‑bhuturo bhwaye omwene, tari aryayika jinu aryungwa na okubhabhwira jinu jirikorekana.

INDAGANO INYA:YA

¹³ Nawe ariba:ja Omwoyo we cimari, arabatangasyaga mu bye cimari byone, Okuba ataryaika kubwae, nawe byo:ne binu arongwaga, nibyo ara:ikaga. Arababwiraga binu ebiba nibyendo:ku:ja.

Yowana 16:13 ပူးပေါင်းရင်းမြစ်များ

Yowana 12:49

Anye nitaayika emisango ejo ku‑bhuturo bhwani omwene, tari Raata unu antumire, niwe ꞉aandagiriiye emisango ja okwayika, na kutyo enija okujaayika.

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

Yowana 16:12

“Nichaari na emisango myafu ja okubhabhwira, nawe omwanya gunu mutakutura okujisombookerwa.

Yowana 3:32

Omwene kaasoosya obhubhambaasi inguru ya emisango jinu ꞉aarorere na okuungwa, nawe atari‑wo omuunu unu keekirisya obhubhambaasi bhwaye obhwo.

Yowana 8:38

Anye enibhabhwira jinu nirorere okusooka ku‑Raata waani, nawe emwe omukora jinu ꞉mweeyigisiibhwe na esomwana.”

Ebikorwa 11:28

Owumwi weebhwe, risiina ryaye aatogwaga Agabho, ˆneemereeguru mw‑isangi, ˆnaasoosya obhuragi kwa obhuturo bhwa Mwoyo Mweru ati, omweko omururu oguuja okuswirana ku‑chaaro choone. Chimari rwa kutyo ꞉aayikire, omweko ogwo ꞉gwabheeye‑wo ku‑mwanya gwa obhutungi bhwa Kirawudiyo unu aariga ari Kayisaari.

Ebikorwa 20:23

Enimenya ati, bhuri musi gunu enitura, Mwoyo Mweru kaanyeeresya ati, enija okweswa mw‑ibhoyero na enija okubhona jinyaako.

Ebikorwa 27:24

ˆnaambwira ati, ‘Pawuro awe, waasiga okuubhaya. Okubha ni bhusibhusi wimereeguru imbere ya Kayisaari. Ka wone, abhaanu bhanu muri aamwi nabho mu‑rugendo, Nyamuwanga kaja okubhawonʼya okutura ku‑bhwitiriranya bhwaye kw‑awe.’

2 Batesalonika 2:12

Awo niwo bhoone bhanu bhatakwikirisya echimari, tari abhakondererwa ebhibhiibhi, bhariramurwa.

2 Batesalonika 2:3

Mwasiga okwikirisya omuunu woonewoone abhajige ku‑njira yooneyoone irya, inguru ya orusuku orwo. Orusuku orwo ruchaari okukinga, abhaanu bhaafu bharirema Nyamuwanga, ka wone Omunyamusi urya wa ebhiraagiro, arituurwa abhweru. Obhuteero bhwaye bhuribha okusingaarisibhwa chimwi.

Baeburania 1:1

Kara awo, Nyamuwanga ꞉aayikire na bhasaaja weeswe kaafu na ku‑njira nyafu, okutura ku‑bharagi.

1 Yoana 2:20

Nawe emwe, Yeesu Omweru abhayaanire Mwoyo waaye, kurwa ejo, woori bhoone omumenya echimari.

1 Yoana 2:27

Nawe emwe, Kirisito abhayaaye Mwoyo Mweru unu ari mu‑myoyo jeemwe. Mutakukena omuunu owundi wa okubheeyigisya emisango ja echimari. Okubha Mwoyo Mweru kaabheeyigisya bhuri chiinu chinu omukena okumenya. Ameeyigisyo gaaye ni ga echimari, gatari ga orubheeyi. Kurwa ejo, mugenderere okubha na obhumwi na Kirisito.

1 Yoana 4:6

Nawe eswe chiri bhaana bha Nyamuwanga. Omuunu woonewoone unu kaasombookerwa Nyamuwanga, keekirisya ameeyigisyo geeswe. Nawe unu atari mwana wa Nyamuwanga, atakugeekirisya. Nikwo kutyo echimenya obhutaasyanya bhwa abhaanu bhanu abhatangasibhwa na Mwoyo wa echimari, na bhanu abhatangasibhwa na mwoyo wa orubheeyi.

1 Yoana 5:6

Mbe, Yeesu Kirisito ꞉aasweruuywe ati ni Mwana wa Nyamuwanga ku‑njira ya obhubhatiijo bhwaye mu‑manji na ku‑njira ya okwita isagama yaaye ku‑musarabha. Itari kwa okubhatiijwa mu‑manji era, tari kwa okubhatiijwa mu‑manji na okwa okwita isagama.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.

Obhusweruro 1:19

“Woori kaama emisango jinu waarora, jinu ejikorekana woori kutya na jinu jirikorekana aribha ejo jaatura.