Yowana 15:5 - Indagano Inyaaya mu-Chijita

⁵ “Anye niri riiti rya rijabhiibhu, emwe muri matabhi. Omuunu unu ari na obhumwi na anye, anye wone enibha na obhumwi nage, oyo aribhaga naatwasya amatwasyo maafu, kwa okubha mukarema okubha na obhumwi na anye, mutakutura okukora gwonegwone.

INDAGANO INYA:YA

⁵ Anye nanye omujabibu, emwe amatabi. Unu kaba mwanye, anye one mu mwene, oyo katwasya amatwasyo ma:fu, okuba anye nikaba nitario mutakutura kukora ci:nu.

Yowana 15:5 ပူးပေါင်းရင်းမြစ်များ

Matayo 13:21

Nawe, kaagayuka emisango ejo katungu katooto era, kwa okubha eriikirisya ryaye ryariga riri rya ingurunguru era. Mbe, araabha ebhinyaasyo amwi amaregeejo gaakamubhona ku‑songa ya emisango inguru ya obhukama bhwa mu‑rwire, awoawo kaasiga eriikirisya eryo.

Yowana 12:24

Ni chimari enibhabhwira ati, araabha oruro rwa ingano rukasigwa okusiikirwa mu‑mayaru rwa omuunu unu afuuwe, rutakutura okumera. Nawe araabha rukasiikirwa, orumera na okutwasya amatwasyo maafu.

Yowana 15:16

Mutari emwe bhanu ꞉mwansorere anye, tari naanye ꞉naabhasorere emwe. ꞉Naabhasorere, korereki mugende mutwasye amatwasyo ganyatawaa‑wo wuri. Mukakora kutyo, joone jinu omuja okusabhwa okutura kw‑isiina ryani, Raata kaja okubhayaana.

Yowana 5:19

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.

Yowana 9:33

Omuunu oyo akabheeye atasookere ku‑Nyamuwanga, ataakaturire okukora ejo.”

Ebikorwa 4:12

“Bhutari‑wo obhuchungusi ku‑wundi woonewoone! Okubha ritari‑wo risiina erindi mu‑chaaro choone erya obhuturo bhwa okuchichungura!”

Barumi 12:5

Nikwo kutyo eswe wone chiri. Eswe chiri bhaafu, nawe chaabha omubhiri gumwi mu‑kubha na obhumwi na Kirisito. Ku‑mubhiri gwaye, bhuri muunu ni chiwuga ku‑weejaabho.

Barumi 6:22

Woori musuruumuuywe na Nyamuwanga okusooka mu‑bhugaya bhwemwe bhwa echibhiibhi. Ka wone, abhakorere okubha abhakosi bhaaye, na okuruubhana na ejo mubhwene omuriiro. Omuriiro ogwo ni kukorera emirimu Nyamuwanga kwa omwoyo gwone na ku‑bhuteero ni kuramira obhuwanga bhwa akajaanende koone.

Barumi 7:4

Abhayiri bhaani, emisango ejo nikwo kutyo jiri kw‑imwe wone. Noorwo emwe mutakubhoywa rindi na ebhiraagiro bhya Muusa, kwa okubha mufuuwe aamwi na Kirisito ku‑musarabha. Woori emwe muri bhaanu bha Kirisito unu ꞉aasuuruuywe okusooka mu‑bhafuuwe, korereki obhurame bhweswe bhubhe na amatwasyo ga ekisi inguru ya Nyamuwanga.

1 Bakorinto 10:16

Omwanya gunu echisiima Nyamuwanga inguru ya omutawo gurya gwa amabhando ga ebhiryo bhya Raatabhugenyi, owubha chitakusangira aamwi isagama ya Yeesu Kirisito? Ka wone, omwanya gunu echibheganya omukaate, owubha chitakusangira aamwi omubhiri gwa Kirisito?

1 Bakorinto 12:12

Omubhiri gwa omuunu guri na ebhiwuga bhyafu, nawe ebhiwuga ebhyo ni mubhiri gumwi. Nikwo kutyo jiri wone ku‑mubhiri gwa Kirisito.

1 Bakorinto 12:27

Mbe, emwe bhoone muri mubhiri gwa Kirisito, na bhuri umwi weemwe ni chiwuga ku‑mubhiri ogwo.

2 Bakorinto 13:8

Enaayika kutyo, kwa okubha chitakutura okurema echimari, tari echitura era okubhagira echimari.

2 Bakorinto 9:10

Nyamuwanga niwe kaayaana omuunu jimbibho ja okuyamba na ebhiryo. Nyabhuriko, aribhayaana jimbibho ja okuyamba na okujoongesya. Nikwo okwayika ati, aribhayaana na okubhoongesya omwoyo gwa obhufura.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Baefeso 5:9

kwa okubha ritwasyo rya obhweru obhwo ni tungwa joone ja ekisi, obhurengeresi na echimari.

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

Bafilipi 4:13

Enitura okukora emisango ejo joone, kwa okubha Kirisito niwe kaanaana amanaga.

Bafilipi 4:17

Nitakwayika kutyo kwa okubha enikena okuramira ebhiinu okusooka kw‑imwe, wuri. Tari eneenda nirore amabhando ganu Nyamuwanga aribhoongesya inguru ya obhufura bhwemwe.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

Yakobo 1:17

Bhuri echiinu cha ekisi chinu echiyaanwa, echisooka mu‑rwire ku‑Nyamuwanga Omubhumbi wa risuubha, okwesi na jinjota. Omwene ni wa ekisi siku joone, atakuyindukayinduka rwa rirengesi rinu erichuukurukachuukuruka.

1 Petero 2:4

Mbe, mufogere ku‑Yeesu, omwene ari rwa ribhuyi riwanga rya okuumbakira. Ribhuyi eryo, abhaanu ꞉bhaariremere, nawe niryo Nyamuwanga ꞉aasorere, ka wone riri na obhurambu obhunene mu‑meeso gaaye.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.