Yowana 15:25 - Indagano Inyaaya mu-Chijita

²⁵ Jinu jikorekeene korereki jikuumire emisango jinu jikaamirwe mu‑Bhikaame Ebhyeru ati, ‘꞉Bhaansokere kutyo era.’

INDAGANO INYA:YA

²⁵ Nawe omusango guku:mire gunu gwandikirwe mu biragiro byebwe ati, Bansokere kutyo era.

Yowana 15:25 ပူးပေါင်းရင်းမြစ်များ

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

2 Bakorinto 11:7

꞉Neekeeyiisye ku‑njira ya okuraasya Emisango ja Ekisi ja Nyamuwanga kw‑imwe nitari na omuyeero, korereki nibhariinyagisye. Angu, ꞉naakorere echibhiibhi ku‑musango ogwo?

Obhusweruro 21:6

ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.

2 Batesalonika 3:8

ka wone ꞉chitaariye ebhiryo bhya omuunu woonewoone, chitasoosisye jipirya. Chaariga nichikora emirimu kwa obhwikomeesya mu‑ngeta na mu‑mwisi, korereki chisige okunyaasya omuunu woonewoone mw‑imwe.

Bagalatia 2:21

Nitakutura okurema obhwitiriranya bhwa Nyamuwanga. Araabha omuunu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, mbe bhwariga bhutari‑wo obhukene bhwa Kirisito okufwa!

Barumi 3:24

Nawe ku‑bhwitiriranya bhwa Nyamuwanga, abhabharwa ati ni bharengeresi imbere yaaye, bhatasoosiisye echiinu choonechoone wuri. Bheeruuywe okusooka mu‑bhibhiibhi bhyebhwe okutura ku‑Kirisito Yeesu.

Barumi 3:19

Mbe, eswe chimenyere ati, omwanya gunu Ebhikaame Ebhyeru ebhisimura inguru ya echiinu choonechoone, ebhisimura inguru ya abhaanu bhanu ꞉bhaayaaywe Ebhikaame ebhyo. Ebhikaame ebhyo, ꞉bhyakaamirwe korereki abhaanu bhoone, Abhayawudi na abhaanu bhanu bhatari Bhayawudi bhasige okubha na isonga ya okwibhagira omwanya gunu Nyamuwanga ariramura echaaro. Jiribha abhwerubhweru ati abhaanu bhoone bheeyire okuramurwa na Nyamuwanga.

Yowana 10:34

Yeesu ˆnaabhabhuusya ati, “Angu, jitakaamirwe mu‑Bhikaame Ebhyeru ati Nyamuwanga ꞉aayikire ati, ‘Emwe muri bhanyamuwanga’?

Yowana 19:36

Ejo ꞉jaakorekeene korereki jikuumire jinu jikaamirwe mu‑Bhikaame Ebhyeru ati, “Ritari‑wo riiwa ryaye noorwo rimwi rinu riribhutuka.”

Matayo 10:8

Muwosyega abharwaye, musuururega abhafuuwe, mwesyega abhagenge na musoosyege‑ko amasambwa okusooka mu‑bhaanu. Muyaaywe obhuturo obhwo kutyo era, woori emwe wone, musakirega kutyo era.

Yowana 13:18

“Nitakwayika ejo inguru yeemwe bhoone. Nimenyere bhanu nisorere okubha abheeyigisibhwa bhaani. Nawe ni bhusibhusi jikuumire jinu jikaamirwe mu‑Bhikaame Ebhyeru ati, ‘Omuunu unu aari naarya aamwi na anye, niwe aayinduka okubha omusoko waani.’