Yowana 15:22 - Indagano Inyaaya mu-Chijita

²² Araabha nikabheeye ꞉niteejire ku‑bheene na okwayika nabho, mbe bhatakabheeye na echibhiibhi. Nawe woori, bhatakutura okwibhagira ati bhatari na echibhiibhi.

INDAGANO INYA:YA

²² Kumba nija nite:jire ninaika nabo, batakabee na bibi:bi, nawe wori batana ca kuroma kurwe bibi:bi byebwe.

Yowana 15:22 ပူးပေါင်းရင်းမြစ်များ

Ruuka 12:46

mbe, omwami waaye arisubha okusooka mu‑rugendo ku‑rusuku na isaa inu atakwiyikanya. Niwo omwami waaye arimuyaana jimbuma muno na okumwesa anu bhanyateekirisya bhari.

Yowana 12:48

Omuunu woonewoone unu kaandema anye aamwi na emisango jaani, ari‑wo unu arimuramura. Emisango jinu enaayika nijo jirimuramura ku‑rusuku rwa obhuteero.

Yowana 15:23

Omuunu woonewoone unu kaansoka, kaasoka na Raata waani wone.

Yowana 15:24

Nikorere ebhiruguusyo ebhinene bhinu omuunu owundi achaariga okukora. Araabha bhakabheeye bhatabhirorere, bhatakabheeye na echibhiibhi. Nawe woori, bharorere joone jinu ꞉naakorere, noorwo kutyo bhachaansokere na Raata waani wone bhamusokere.

Yowana 16:9

Aribhaga ˆnaabheeresya ati ni bhakosi bha ebhibhiibhi, kwa okubha bhatakunyikirisya.

Yowana 19:11

Yeesu ˆnaamusubhya ati, “Utaakabheeye na obhuturo bhwonebhwone inguru yaani araabha ukabheeye utayaaywe na Nyamuwanga. Kurwa ejo, omuunu unu antuura mu‑mabhoko gaawo ari na echibhiibhi chinene muno okukira echaawo.”

Yowana 9:41

Yeesu ˆnaabhasubhya ati, “Araabha mukabheeye muri bhawofu, mutaakabheeye abhakosi bha ebhibhiibhi. Nawe omwayika ati omurora kisikisi, kurwa ejo, omusigara na ebhibhiibhi bhyemwe.”

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Barumi 1:20

Ku‑bhwambiro awo, Nyamuwanga ꞉aabhumbire ebhiinu bhyone. Okwambira omwanya ogwo, abhaanu abhatura okumenya kutyo Nyamuwanga ari, noorwo kutyo bhatakumurora. Ebhiinu bhinu ꞉aabhumbire ebhyeresya obhuturo bhwaye bhwa akajaanende, ka wone omwene niwe Nyamuwanga era, atari‑wo owundi wuri. Kurwa ejo, abhaanu bhatakutura okwayika ati bhatakumenya Nyamuwanga.

Barumi 2:1

Mbe, awe Omuyawudi weejaasu, chimari owuramura abhaanu abhandi bhanu abhakora emisango ejo. Nawe noorwo awe utakutura okwibhagira imbere ya Nyamuwanga! Ringira, omwanya gunu owuramura abhandi, niwo awe wone umenye ati owiramura omwene, kwa okubha emisango emijabhi jinu abhakora nijo awe omwene owukora.

Yakobo 4:17

Mbe, omuunu woonewoone unu amenyere okukora gwa ekisi, nawe atakugukora, oyo kaakora echibhiibhi.

1 Petero 2:16

Mwikare rwa abhaanu bhanu bhari na obhwitaage, nawe mu‑bhwitaage obhwo, mwasiga okukora ebhibhiibhi. Mwikare rwa kutyo Nyamuwanga kaakena abhakosi bhaaye bheekare.