Yowana 15:20 - Indagano Inyaaya mu-Chijita

²⁰ Mwasiga okurabhirwa omusango gunu ꞉naabhabhwiriiye ati, ‘Omugaya atakutura okubha omukuru okukira omwami waaye.’ Mbe, araabha ꞉bhaanyaasiisye anye, emwe wone bharibhanyaasya. Nawe araabha ꞉bheekirisiisye ameeyigisyo gaani, ageemwe wone abhaja okugeekirisya.

INDAGANO INYA:YA

²⁰ Mwicuke omusango gunu nababwiriye ati, Omugaya atakukira esebugenyi. Araba banya:sisye anye, emwe one baribanya:sya. Araba bagwatire omusango gwani, no gwemwe one barigugwata.

Yowana 15:20 ပူးပေါင်းရင်းမြစ်များ

Matayo 10:24

“Omwiyigisibhwa atakukira omwiyigisya waaye, na omugaya atakukira omwami waaye.

Mariko 10:39

Nibhamusubhya ati, “Echitura.” Yeesu ˆnaabhabhwira ati, “Chimari, omuja okunyaaka rwa kutyo anye enija okunyaaka, na muribhatiijwa rwa kutyo anye enija okubhatiijwa.

Ruuka 2:34

Simiyooni ˆnaabhasabhirwa amabhando, ˆnaabhwira Maryamu nyiramwene omwana oyo ati, “Ringira! Omwana unu asorerwe na Nyamuwanga ati, asingaarisye Abhayisirayeeri bhaafu, na arichungura Abhayisirayeeri abhandi bhaafu. Aribha echibharikisyo chinu chiriremwa na abhaanu.

Ruuka 6:40

“Omwiyigisibhwa, atakutura okubha omumenyi muno okukira omwiyigisya waaye. Nawe, omwiyigisibhwa akamara okwiyigisibhwa, niwo kaabha na obhuturo rwa bhwa omwiyigisya waaye.

Yowana 10:31

Awo niwo Abhayawudi nibhabhooja amabhuyi rindi, korereki bhamubhume nago na okumwita.

Yowana 11:57

Abhakuru bha abhagabhisi na Abhafarisaayo bhaariga bharagiriiye ati, omuunu woonewoone unu amenyere anu Yeesu ari, abhabhwire korereki bhamugwate.

Yowana 13:16

Ni chimari enibhabhwira ati, omugaya atakutura okubha omukuru okukira omwami waaye, ka wone unu kaatumwa atakutura okubha omukuru okukira unu kaamutuma.

Yowana 5:16

Niwo abhatangasya bha Abhayawudi nibhaamba okunyaasya Yeesu, kwa okubha aawosyaga abhaanu ku‑rusuku rwa Isabhaato.

Yowana 7:32

Mbe, Abhafarisaayo nibhoongwa kutyo abhaanu bhaariga nibhabhobhootana inguru ya Yeesu. Kurwa ejo, Abhafarisaayo abho, aamwi na abhakuru bha abhagabhisi, nibhatuma abhasirikare, korereki bhamugwate.

Yowana 8:51

Ni chimari enibhabhwira ati, omuunu woonewoone unu kaagayuka ameeyigisyo gaani, atarifwa wuri.”

Yowana 8:52

Mbe, Abhayawudi abho nibhamubhwira Yeesu ati, “Woori echimenya ati, awe uri na risambwa! Bhurayimu ꞉aafuuwe, na abharagi wone ꞉bhaafuuwe. Nawe awe owaayika ati, ‘Omuunu woonewoone unu kaagayuka ameeyigisyo gaani, atarifwa wuri.’

Yowana 8:59

Abhayawudi bhejire bhoongwa ejo, nibhabhooja amabhuyi korereki bhamubhume nago na okumwita. Nawe Yeesu ˆneeyibhisa, ˆnaasooka mu‑rubhuga rwa Riyekaru.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

1 Bakorinto 4:12

Echikora emirimu jeeswe kwa okwikomeesya muno kwa amabhoko geeswe abheene. Omwanya gunu abhaanu abhachifuma, echibhasabhirwa amabhando. Omwanya gunu abhachinyaasya, echiigumiirisya.

2 Bakorinto 4:9

Abhaanu abhachinyaasya, nawe Nyamuwanga atakucheeseranya. Echeeswa aasi, nawe chitakusingaarisibhwa.

1 Batesalonika 2:15

Abhayawudi abho, nibho ꞉bheetire Raatabhugenyi Yeesu aamwi na abharagi bha kara. Ka wone, nibho ꞉bhaachinyaasiisye eswe wone. Abhaanu abho abhabhiyisya Nyamuwanga, nyabhuriko ni bhasoko bha abhaanu bhoone,

2 Timoteo 3:12

Nyabhuriko, bhoone bhanu abheekirisya Kirisito Yeesu na abhakena okurama na okuramya Nyamuwanga, bharinyaasibhwa.