Yowana 15:12 - Indagano Inyaaya mu-Chijita

¹² Echiraagiro chinu nicho enibharagirira ati, mwendanega, rwa kutyo anye nibheendere.

INDAGANO INYA:YA

¹² Cinu nico eciragiro cani ati, mwendanega rwanye kutyo nabendere emwe.

Yowana 15:12 ပူးပေါင်းရင်းမြစ်များ

Yowana 13:34

Woori, enibhayaana echiraagiro echiyaaya. Enibharagirira ati, ‘Mwendane. Rwa kutyo anye nibheendere, nyabhuriko emwe wone mwendane.’

Yowana 15:17

Mbe woori, enibharagirira ati, mwendanega.”

Barumi 12:10

Mwendane abheene kwa abheene rwa abhayiri. Bhuri muunu eekomeesye okuyaana echibharo oweejaabho.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

1 Batesalonika 3:12

Raatabhugenyi abhoongesye eryenda, korereki mugenderere okwendana muno emwe abheene kwa abheene, mwende wone abhaanu abhandi bhoone, rwa kutyo eswe wone echibheenda.

1 Batesalonika 4:9

Mbe, bhutari‑wo obhukene bhwa okubhakaamira inguru ya okwendana, kwa okubha Nyamuwanga omwene ꞉aabheeyigisiisye kutyo jeenderwe mwendane abheene kwa abheene.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Petero 3:8

Ku‑bhuteero, enibhabhwira emwe bhoone ati, mubhe na obhwira bhumwi, mufwirane echigongo, mwendane rwa abha inda imwi, mubhe abhafura na mubhe abheekeeya.

1 Petero 4:8

Okukira ejo joone, mwendane muno, kwa okubha obhwendani obhubhisa obhwafu bhwa ebhibhiibhi.

1 Yoana 3:23

Echiraagiro chaaye nicho chinu ati, chiikirisye risiina rya Omwana waaye Yeesu Kirisito, ka wone cheendane rwa kutyo achiragiriiye.

1 Yoana 4:21

Mbe, Nyamuwanga achiyaaye echiraagiro ati, omuunu woonewoone unu keenda Nyamuwanga, kaakenwa wone eende oweejaabho.

2 Yoana 1:5

Woori, omusubhaati omwendwa, ku‑nyarubha inu, enikusabhwa ugayuke echiraagiro chinu echaayika ati cheendane. Echiraagiro chinu enikukaamira chitari chiyaaya wuri, tari ni chiryachirya cha kara chinu chaariga chiri nacho okusookerera omwanya gunu ꞉chaambire okwikirisya Yeesu.