Yowana 14:2 - Indagano Inyaaya mu-Chijita

² Mu‑nju ya Raata waani bhuri‑mo obhwikaro bhwafu. Araabha jitaakabheeye kutyo, naakabhabhwiriiye. Woori enigenda eyo okubheerabhira obhwikaro.

INDAGANO INYA:YA

² Mu nyumba ya Rata burimo bwikaro bwafu. Kumba atari kutyo, nakababwiriye. Okuba enigenda okubacumacumira obwikaro.

Yowana 14:2 ပူးပေါင်းရင်းမြစ်များ

Ruuka 14:22

“Omugaya oyo ejire aasubha, ˆnaabhwira omwami oyo ati, ‘Mwami waani, omusango gunu waandagirira okukora, naagukuumisya. Noorwo kutyo, guchaari‑wo omwanya gwa abhandi okwingira.’

Yowana 13:33

“Emwe abhaana bhaani abheendwa, nichaari aamwi na emwe katungu katooto era. Murinyenja, nawe rwa kutyo ꞉naabhwiriiye abhatangasya bha Abhayawudi, nikwo kutyo woori nibhabhwira emwe wone ati, anu enigenda, emwe mutaritura okuuja‑wo.

Yowana 13:36

Mbe, Simooni Peetero ˆnaabhuusya Yeesu ati, “Raatabhugenyi awe, owuja aaki?” Yeesu ˆnaamusubhya ati, “Enija anu awe woori utakutura okunduubha, nawe omwanya gunu oguuja owuja okunduubha.”

Yowana 14:28

꞉Mwoonguuwe jinu ꞉naabhabhwiriiye ati, ‘Enigenda, nawe niriija rindi kw‑imwe.’ Araabha chimari mwakanyendere, mwakabheeye nimukonderwa okuungwa ati enigenda ku‑Raata, kwa okubha Raata ni mukuru okukira anye.

Yowana 16:4

Naabhabhwira emisango ejo, korereki omwanya ogwo aribha gwakinga, mwichuke jinu ꞉naabhabhwiriiye. “꞉Nitabhabhwiriiye ejo joone ku‑bhwambiro, kwa okubha naariga niri aamwi na emwe.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

2 Bakorinto 5:1

Emibhiri jeeswe ja ku‑chaaro anu, jiri rwa ebhiwuuna. Nawe chimenyere ati, bhikakambuka, Nyamuwanga arichiyaana jinju ja akajaanende mu‑rwire jinu jitakumbakwa na abhaanu.

1 Batesalonika 5:9

Nyamuwanga ꞉ataachisorere korereki achisingaarisye kwa risungu ryaye, tari ꞉aachisorere korereki Raatabhugenyi weeswe Yeesu Kirisito achichungure.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

Baeburania 11:10

Bhurayimu ꞉aakorere kutyo, kwa okubha aariga ˆneeyikanya okwikara mu‑musi gwa ekisi gwa akajaanende koone, omusi gunu Nyamuwanga omwene ꞉aagwiraabhire na okuguumbaka.

Baeburania 13:14

Chikore kutyo okubha ku‑chaaro kunu chitari na omusi gunu gurirama akajaanende koone, tari echirindirira okwingira mu‑musi gwa mu‑rwire gunu oguuja.

Baeburania 6:20

Yeesu ꞉aatangatire okwingira awo inguru yeeswe. ꞉Eengiiye ˆnaabha Omugabhisi Omukuru akajaanende koone rwa kutyo Meerikijedeki aariga ari.

Baeburania 9:8

Okuruubhana na emisango ejo joone, Mwoyo Mweru kaacheeresya ati injira ya okwingira Ayeeru a Ayeeru yaariga ichaari okwigurwa ku‑bhaanu abhandi, omwanya gunu riyeema rya okwamba na obhutinge bhwaryo bhwariga bhuchaari‑wo.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Obhusweruro 21:2

Mbe, nindora omusi omweru, nigwo Yerusareemu inyaaya, nigwika okusooka mu‑rwire ku‑Nyamuwanga. Omusi ogwo gwariga gunojooribhwe rwa kutyo omwenga kaanojooribhwa inguru ya omurume waaye.

Obhusweruro 3:12

Omuunu woonewoone unu ariyiga, nirimukora abhe ingʼingi mw‑Iyekaru rya Nyamuwanga waani, wone atarisooka omwo rindi. Nirikaama inguru yaaye risiina rya Nyamuwanga waani na risiina rya omusi gwa Nyamuwanga waani. Omusi ogwo ni Yerusareemu inyaaya, gunu guriika okusooka mu‑rwire ku‑Nyamuwanga waani. Ka wone, nirikaama inguru yaaye risiina ryani riyaaya.

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.