Yowana 14:12 - Indagano Inyaaya mu-Chijita

¹² Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

INDAGANO INYA:YA

¹² Ni cimari cimari enibabwira ati, Unu kanyikirisya anye, emirimu jinu anye enikora, one arijikora. Naka arijikora jinu jikirire ejo obunene, okuba anye enigenda ku Rata.

Yowana 14:12 ပူးပေါင်းရင်းမြစ်များ

Matayo 21:21

Yeesu ˆnaabhasubhya ati, “Ni chimari enibhabhwira ati, araabha muri na eriikirisya rinu ritari na echiitimaato, emwe wone muritura okukora rwa jinu naakorera riiti rinu. Ka wone mutarikora rwa ejo era, tari noorwo mukabhwira echiima chinu ati, ‘Iiyika anu na okweswa mu‑nyanja,’ jiribha kutyo.

Mariko 11:13

ˆNaarora kura‑wo, riiti rinu eritogwa ati ritiini, ryariga riri na amasya maafu. ˆNaarifogerera arore araabha ryariga riri‑ko amatwasyo. Ejire aakinga arya, ˆnaasongʼana ritari‑ko amatwasyo, riijuuye amasya geenyere, kwa okubha omwanya gwa okunogora amatwasyo gwariga guchaari kukinga.

Mariko 16:17

Abhaanu bhanu bheekirisiisye, abhaja okukora ebhibharikisyo bhinu, bharibhaga nibhasoosya amasambwa ku‑bhaanu kw‑isiina ryani na okwayika mu‑nyaayika inyaaya.

Yowana 14:28

꞉Mwoonguuwe jinu ꞉naabhabhwiriiye ati, ‘Enigenda, nawe niriija rindi kw‑imwe.’ Araabha chimari mwakanyendere, mwakabheeye nimukonderwa okuungwa ati enigenda ku‑Raata, kwa okubha Raata ni mukuru okukira anye.

Yowana 16:7

“Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe.

Yowana 4:37

Iri‑wo inyaayika inu eyayika echimari ati, ‘Omubhibhi wa jimbibho ni wundi, na omugesi wa ebhigeswa wone ni wundi.’

Yowana 5:20

Okubha Raata keenda Omwana waaye, niyo isonga kaamweresya emirimu joone jinu kaakora. Ka wone, Esemwene kaja okumweresya kutyo kaja okukora emisango emisito okukira jinu aakorere, ka emwe omuja okuruguura muno.

Yowana 7:33

Niwo Yeesu ˆnaabhwira abhaanu abho ati, “Nichaari aamwi na emwe katungu katooto era. Aribha neeya nirisubha ku‑unu ꞉aantumire.

Yowana 7:39

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

Ebikorwa 10:46

Okubha ꞉bhoonguuwe abhaanu abho nibhaayikaga mu‑nyaayika jingenyi na okukusya Nyamuwanga. Niwo Peetero ˆnaayika ati,

Ebikorwa 16:18

ˆNaakora kutyo bhuri rusuku, okukingira Pawuro ˆnaabhiyirwa muno. Ku‑bhuteero, ˆnaaringira omugayagasi oyo, ˆnaagonya risambwa rinu ryariga rimuri‑ko ati, “Enikugonya kw‑isiina rya Yeesu Kirisito, sooka ku‑muyarakaji unu!” Awoawo risambwa eryo nirimusooka‑ko.

Ebikorwa 19:12

Noorwo abharwaye bhanu bhaariga bhatakutura okukinga ku‑Pawuro, ꞉bhaasiriiwe ebhitambaara na emyenda jinu jaakunibhwaga ku‑mubhiri gwaye. Omwanya gunu abharwaye abho bhaajikuunʼyaga, bhaaworaga. Nyabhuriko amasambwa wone gaabhasookaga‑ko.

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Ebikorwa 2:41

Abhaanu wuti bhiwumbi bhisatu (3,000) nibheekirisya emisango ja Peetero, nibhabhatiijibhwa, nibhoongesibhwa ku‑chise cha abheekirisya abhandi bha Yeesu orusuku orwo.

Ebikorwa 4:16

“Angu chibhakorere ki abhaanu bhanu? Abheekasi bhoone bha Yerusareemu anu, abhamenya ati bhakorere echibharikisyo echikuru cha okuruguusya chinu na chitakutura okuchiigaana.

Ebikorwa 4:33

Jitumwa ja Yeesu bhaariga nibharaasisya abhaanu ku‑managa maafu, emisango ja okusuuruka kwa Raatabhugenyi Yeesu. Nyamuwanga aariga ˆnaabhayaana obhwitiriranya bhwaye.

Ebikorwa 4:4

Noorwo kutyo, abhaafu bhanu ꞉bhoonguuwe emisango ja Peetero na Yowana ꞉bhaajiikirisiisye. Obhukumi bhwa bharume era bhanu ꞉bheekirisiisye Yeesu, ꞉bhwakingire ebhiwumbi bhitaanu kutya.

Ebikorwa 5:15

Okuruubhana na ebhiruguusyo bhya jitumwa, abhaanu bhaariga nibhasira abharwaye na okubhatuura ku‑mbarimbari ja ku‑njira. Ku‑njira okwo, nikwo bhaabhamaamyaga ku‑mararo na ku‑majambi, korereki omwanya gunu Peetero aakatura, rirengesi ryaye ribhakuunʼye‑ko, bhawore.

Ebikorwa 6:7

Omusango gwa Nyamuwanga nigugenderera okuraasibhwa ku‑bhaanu na obhukumi bhwa abheeyigisibhwa bha Yeesu nibhwiyongesya muno mu‑Yerusareemu. Noorwo abhagabhisi bhaafu ꞉bhaagayukire Nyamuwanga, kwa okumwikirisya Yeesu.

Ebikorwa 8:7

Firipo aariga ˆnaasoosya‑ko amasambwa ku‑bhaanu bhaafu, amasambwa ago gaabhasookaga‑ko nigamwaya. Ka wone aawosyaga abharema bhaafu na bhanu bhaariga bhafuuwe emibhiri.

Ebikorwa 9:34

Peetero ˆnaamubhwira ati, “Ayineeya, Yeesu Kirisito aakuwosya. Iimuka! Funya riraro ryawo.” Awoawo Ayineeya ˆneemereeguru!

Ebikorwa 9:40

Peetero ˆnaabhawurusya anja bhoone bhanu bhaariga bhari mu‑chisago omwo, ˆneefukama, ˆnaasabhwa Nyamuwanga. Niwo ˆnaayindukira omutumbi gurya, ˆnaayika ati, “Tabhiija, imereeguru!” Tabhiija ˆnaafumbura ameeso gaaye, ejire aarora Peetero, ˆneemuka ˆneenyanja.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.