Yowana 13:8 - Indagano Inyaaya mu-Chijita

⁸ Peetero ˆnaamubhwira ati, “Awe utakutura wuri noorwo na akatyari okunyosya amaguru!” Yeesu ˆnaamusubhya ati, “Araabha utakwenda anye nikwosye amaguru, utakutura okubha na obhumwi na anye rindi.”

INDAGANO INYA:YA

⁸ Petero namubwira ati, Utarinyosya ebigere byani anu ciribe:ra. Yesu namuindura ati, Nikarema okukwosya utari gumwi nanye.

Yowana 13:8 ပူးပေါင်းရင်းမြစ်များ

Matayo 16:22

Niwo, Peetero ˆnaagega Yeesu, ˆnaamusira ku‑mbari, ˆnaamba okumugonya, ˆnaamubhwiraga ati, “Raatabhugenyi, Nyamuwanga atusye ejo kura! Ejo jitarikubhona!”

Matayo 21:29

Omwana waaye oyo, ˆnaamusubhya ati, ‘Nitakugenda eyo!’ Nawe neeya, ˆnaayindura obhwiganirisya bhwaye, ˆnaagenda, ˆnaakora.

Matayo 26:33

Niwo Peetero ˆnaabhwira Yeesu ati, “Noorwo araabha abheejaasu bhoone bharikusiga, anye nitarikusiga wuri!”

Matayo 26:35

Peetero ˆnaamusubhya ati, “Noorwo araabha jikeendwa nifwe aamwi na awe, anye nitarikwigaana wuri!” Abheeyigisibhwa abhandi bhoone, wone nibhaayika kutyokutyo.

Yowana 13:6

Omwanya gunu Yeesu ꞉aakingire ku‑Simooni Peetero, Peetero ˆnaamubhuusya ati, “Raatabhugenyi, naawe oweenda okunyosya amaguru?”

Yowana 13:9

Simooni Peetero ˆnaamusubhya ati, “Raatabhugenyi awe, araabha ni kutyo, siga okunyosya amaguru era, tari nuunyosye mabhoko gaani na omutwe gwani wone.”

Yowana 3:5

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe mu‑manji na kwa Mwoyo Mweru.

Ebikorwa 22:16

Woori owurindirira ki? Imereeguru! Ubhatiijibhwe, weesibhwe ebhibhiibhi bhyawo, usabhwe Nyamuwanga akufwire echigongo.’

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

Bakolosai 2:18

Bhari‑wo abhaanu bhanu abhakomeeresya muno emisango ja okwikeeya kwa anja na eja okuramya bhamaraayika. Mwasiga okubheekirisisya bhabhateesye echiyaanwa cheemwe. Abhaanu abho abheekuuya na okwayika ati bhaarora emisango ejo mu‑bhiroro. Nawe chimari, bhawosoosokere mu‑bhwiganirisya bhwebhwe obhubhiibhi kwa okubha ni bhwa echaaro.

Bakolosai 2:23

Ni chimari, bhanu abharuubha ebhiraagiro ebhyo abhabhonekana ati bhari na obhwengeeso. Abharuubha okuramya kunu bhetereeye‑wo abheene, okwikeeya kwa anja na okutunga emibhiri jeebhwe kwa obhururu. Nawe ebhiraagiro ebhyo bhitakutura okuyingirira okurigira okubhiibhi kwa omubhiri.

Tiito 3:5

꞉Ataachichunguuye kwa okubha ebhikorwa bhyeswe ni bhya obhurengeresi, tari ku‑chigongo chaaye era. ꞉Aachoosiisye obhujabhi bhweswe, ˆnaachiibhura bhuyaaya na Mwoyo Mweru ˆnaachikora okubha abhayaaya.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.