Yowana 13:34 - Indagano Inyaaya mu-Chijita

³⁴ Woori, enibhayaana echiraagiro echiyaaya. Enibharagirira ati, ‘Mwendane. Rwa kutyo anye nibheendere, nyabhuriko emwe wone mwendane.’

INDAGANO INYA:YA

³⁴ Enibayana eciragiro eciya:ya ati, Mwendanega. Rwa kutyo nabendere emwe, emwe mwendanega.

Yowana 13:34 ပူးပေါင်းရင်းမြစ်များ

Matayo 5:44

Nawe anye enibhabhwira ati, mwendega abhasoko bheemwe na musabhirwega bhoone bhanu abhabhanyaasya.

Yowana 15:17

Mbe woori, enibharagirira ati, mwendanega.”

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Barumi 12:10

Mwendane abheene kwa abheene rwa abhayiri. Bhuri muunu eekomeesye okuyaana echibharo oweejaabho.

Barumi 13:10

Omuunu unu keenda oweejaabho, atakumukorera amabhiibhi. Kurwa ejo, eryenda niyo injira ya okukuumisya ebhiraagiro bhya Nyamuwanga.

Barumi 13:8

Mwasiga okutongwa echiinu choonechoone na omuunu woonewoone, tari ribhanja rinu muri naryo ni rya okwendana era. Omuunu unu keenda oweejaabho, oyo niwe aagayuka ebhiraagiro bhya Nyamuwanga.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

Bagalatia 6:2

Musakiranega na okugegerana emigugu jeemwe emisito, niwo murikuumisya echiraagiro cha Kirisito.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Bakolosai 1:4

Echikora kutyo, kwa okubha echuungwa emisango inguru ya eriikirisya ryemwe mu‑Kirisito Yeesu na inguru ya eryenda ryemwe ku‑bheeru bhoone bha Nyamuwanga.

1 Batesalonika 3:12

Raatabhugenyi abhoongesye eryenda, korereki mugenderere okwendana muno emwe abheene kwa abheene, mwende wone abhaanu abhandi bhoone, rwa kutyo eswe wone echibheenda.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

Baeburania 13:1

Mugenderere okwendana abheene kwa abheene rwa abhayiri mu‑riikirisya.

Yakobo 2:8

Mu‑Bhikaame Ebhyeru, echiraagiro cha obhukama bhwa Nyamuwanga chikaamirwe ati, “Wendega oweejaanyu rwa kutyo owiyenda omwene.” Mukabha nimukora kutyo, omukora kisi.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

2 Petero 1:7

Okuyaana Nyamuwanga echibharo okwo kwongesibhwe okwendana rwa abhayiri, okwendana rwa abhayiri okwo kwongesibhwe obhufura bhwa eryenda.

1 Yoana 3:11

Mbe, okusookerera omwanya gunu ꞉mwaambire okwikirisya Yeesu Kirisito, mwonguuwe omusango ati, eswe abheekirisya, echikenwa cheendane abheene kwa abheene.

1 Yoana 3:23

Echiraagiro chaaye nicho chinu ati, chiikirisye risiina rya Omwana waaye Yeesu Kirisito, ka wone cheendane rwa kutyo achiragiriiye.

1 Yoana 4:21

Mbe, Nyamuwanga achiyaaye echiraagiro ati, omuunu woonewoone unu keenda Nyamuwanga, kaakenwa wone eende oweejaabho.

2 Yoana 1:5

Woori, omusubhaati omwendwa, ku‑nyarubha inu, enikusabhwa ugayuke echiraagiro chinu echaayika ati cheendane. Echiraagiro chinu enikukaamira chitari chiyaaya wuri, tari ni chiryachirya cha kara chinu chaariga chiri nacho okusookerera omwanya gunu ꞉chaambire okwikirisya Yeesu.