Yowana 13:31 - Indagano Inyaaya mu-Chijita

³¹ Mbe, Yuuda ejire aawuruka anja, Yeesu ˆnaabhwira abheeyigisibhwa bhaaye ati, “Woori rikusyo ryani, anye Omwana wa Omuunu, riri yeeyi okubhonekana abhwerubhweru. Noorwo rikusyo rya Nyamuwanga erija okubhonekana abhwerubhweru okutura kw‑anye.

INDAGANO INYA:YA

³¹ Mbe ejire amara okuuruka, Yesu na:ika ati, Wori Omwana wo mu:nu akusibwa, na Nyamuanga akusibwa mu mwene.

Yowana 13:31 ပူးပေါင်းရင်းမြစ်များ

Matayo 8:20

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Ruuka 12:50

Noorwo anye omwene, niri na ebhinyaasyo bhinu neenderwe nibhiikirisye, na enija okugenderera okunyaaka mu‑mwoyo gwani, okukingira bhikuumire.

Yowana 11:4

Yeesu ejire oongwa emisango ejo, ˆnaayika ati, “Obhurwaye obhwo bhutari bhwa okumwita, tari ni bhwa okweresya rikusyo rya Nyamuwanga. Aarwara korereki anye Omwana wa Nyamuwanga, nikusibhwe okutura ku‑bhurwaye obhwo.”

Yowana 12:23

Yeesu ˆnaabhasubhya ati, “Omwanya gwakinga gwa Omwana wa Omuunu okukusibhwa.

Yowana 12:28

Raata Nyamuwanga, yeeresya rikusyo rya risiina ryawo.” Mbe, obhuraka okusooka mu‑rwire nibhwayika ati, “Neeresya rikusyo rya risiina ryani, ka wone nirigenderera okukora kutyo.”

Yowana 14:13

Araabha mukasabhwa echiinu choonechoone kw‑isiina ryani, anye enija okubhakorera. Kurwa ejo, rikusyo rya Raata riribhonekana okutura kw‑anye Omwana waaye.

Yowana 16:14

Mwoyo oyo aribhaga ˆnaabheeresya rikusyo ryani, kwa okubha aribhabhwira joone jinu aryungwaga okusooka kw‑anye.

Yowana 7:39

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Ebikorwa 3:13

Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere.

2 Bakorinto 3:18

Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

Baefeso 1:12

Nyamuwanga aariga akarariiye ati, eswe bhanu ꞉chaatangatire okwiyikanya Kirisito, chirikuuya Nyamuwanga inguru ya rikusyo ryaye.

Baefeso 2:7

korereki eeresye ku‑bhoone ku‑mwanya gunu oguuja, obhwitiriranya bhwaye bhwafu muno ku‑bhwa ekisi bhwaye kw‑iswe bhunu bhuri mu‑Kirisito Yeesu.

Baefeso 3:10

Obhukarariiye bhwa ejo, ni ati, ku‑njira ya rikanisa, obhwengeeso bhwafu bhwa bhuri mbaga bhwa Nyamuwanga kutyo bhuri, bhumenyekane ku‑bhutungi na ku‑bhuturo mu‑chaaro chinyatarorwa.

Bafilipi 2:11

Ka wone bhuri muunu aayike ati Yeesu Kirisito niwe Raatabhugenyi. Nikwo kutyo Raata Nyamuwanga arikusibhwa.

1 Petero 1:21

Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.