Yowana 13:3 - Indagano Inyaaya mu-Chijita

³ Yeesu ꞉aamenyere ati Esemwene ꞉aamuyaaye obhuturo bhwa okutunga ebhiinu bhyone. Ka wone, aariga amenyere ati ꞉aasookere ku‑Nyamuwanga, na ati arisubha ku‑Nyamuwanga.

INDAGANO INYA:YA

³ Yesu ariga amenyere ati, Esemwene amuyae byone mu maboko gae, na ka:ti aso:kere ku Nyamuanga, rindi kasuba ku Nyamuanga,

Yowana 13:3 ပူးပေါင်းရင်းမြစ်များ

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Ruuka 10:22

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.”

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 13:1

Mbe bhunu ichikukuru ya Okwambuka yaariga ichaari kukinga, Yeesu ꞉aasombookeeywe ati, omwanya gwaye gwa okusooka ku‑chaaro kunu okusubha kw‑Isemwene gwakinga. Yeesu aariga eendere abhaanu bhaaye bha ku‑chaaro kunu, ka wone ꞉aabheendere muno okukingira okufwa kwaye.

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 3:13

Atari‑wo omuunu woonewoone unu arajiiye mu‑rwire. Nawe anye Omwana wa Omuunu, naanye ꞉neejire okusooka mu‑rwire.

Yowana 3:35

Raata Nyamuwanga eendere Omwana waaye, ka wone amuyaaye obhuturo inguru ya ebhiinu bhyone.

Yowana 7:29

Anye nimumenyere, kwa okubha nisookere ku‑mwene. Omwene niwe ꞉aantumire.”

Yowana 7:33

Niwo Yeesu ˆnaabhwira abhaanu abho ati, “Nichaari aamwi na emwe katungu katooto era. Aribha neeya nirisubha ku‑unu ꞉aantumire.

Yowana 8:14

Yeesu ˆnaabhasubhya ati, “Noorwo araabha eniisoosisya obhubhambaasi omwene, obhubhambaasi bhwani ni bhwa echimari. Anye nimenyere enu nisookere, ka wone nimenyere enu enija. Nawe emwe mutakumenya enu nisookere noorwo enu enija.

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

1 Bakorinto 15:27

Jikaamirwe mu‑Bhikaame Ebhyeru ati, “Nyamuwanga ateeye ebhiinu bhyone emwaro ya obhutungi bhwaye.” Emisango ejo “ebhiinu bhyone,” jitari na obhugajuro ati Nyamuwanga wone ateeywe emwaro ya obhutungi obhwo. Wuri, kwa okubha omwene niwe ateeye ebhiinu ebhyo emwaro ya obhutungi bhwa Kirisito.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.