Yowana 13:18 - Indagano Inyaaya mu-Chijita

¹⁸ “Nitakwayika ejo inguru yeemwe bhoone. Nimenyere bhanu nisorere okubha abheeyigisibhwa bhaani. Nawe ni bhusibhusi jikuumire jinu jikaamirwe mu‑Bhikaame Ebhyeru ati, ‘Omuunu unu aari naarya aamwi na anye, niwe aayinduka okubha omusoko waani.’

INDAGANO INYA:YA

¹⁸ Nita:ika kwimwe bo:ne. Nimenyere banu nasoreremo. Nawe cinu candikirwe ciku:mire ati, Unu karya ku biryo byani kanyinamusisya ecisisinyo cae.

Yowana 13:18 ပူးပေါင်းရင်းမြစ်များ

Matayo 10:36

Abhasoko bha omuunu, bharibha abhaanu bha mu‑nju yaaye omwene.

Matayo 26:21

Omwanya gunu bhaariga nibharya, Yeesu ˆnaabhabhwira ati, “Ni chimari enibhabhwira ati, umwi mw‑imwe arintuura mu‑mabhoko ga abhasoko.”

Matayo 26:23

Yeesu ˆnaasubhya ati, “Ni unu keenyirisya mu‑rutubha rumwi na anye, niwe arintuura mu‑mabhoko ga abhasoko.

Mariko 14:17

Yejire yaakinga keegoro, Yeesu ˆnaakinga mu‑nju irya aamwi na abheeyigisibhwa bhaaye ekumi na bhabhiri bharya.

Mariko 14:18

Omwanya gunu bhaariga nibharya, Yeesu ˆnaayika ati, “Ni chimari enibhabhwira ati, umwi mw‑imwe unu keenyirisya aamwi na anye, arintuura mu‑mabhoko ga abhasoko.”

Mariko 14:20

Yeesu ˆnaabhabhwira ati, “Ni umwi mw‑imwe ekumi na bhabhiri, unu keenyirisya mu‑rutubha rumwi na anye.

Ruuka 22:21

“Nawe, muringire! Unu kaja okuntuura mu‑mabhoko ga abhasoko, eenyanjire aamwi na anye ku‑nenda kunu.

Yowana 13:21

Yeesu ejire aayika emisango ejo, ˆnaasurumbara muno mu‑mwoyo gwaye, ˆnaayika abhwerubhweru ati, “Ni chimari enibhabhwira ati, umwi mw‑imwe arintuura mu‑mabhoko ga abhasoko.”

Yowana 13:22

Mbe, abheeyigisibhwa bhaaye nibhaamba kuringirana, kwa okubha bhatamenyere ati niga unu Yeesu kaayikira.

Yowana 13:26

Yeesu ˆnaamusubhya ati, “Ni unu enija okuyaana akabhaara ka omukaate kanu enija okwinyirisya mu‑rutubha.” Mbe, ˆnaagega akabhaara ka omukaate ˆneenyirisya mu‑rutubha, ˆnaayaana Yuuda, omwana wa Simooni Isikariyooti.

Yowana 15:16

Mutari emwe bhanu ꞉mwansorere anye, tari naanye ꞉naabhasorere emwe. ꞉Naabhasorere, korereki mugende mutwasye amatwasyo ganyatawaa‑wo wuri. Mukakora kutyo, joone jinu omuja okusabhwa okutura kw‑isiina ryani, Raata kaja okubhayaana.

Yowana 15:19

Araabha mukabheeye muri bhaanu bha ku‑chaaro kunu, abheene bhaakabheendaga rwa kutyo abheenda abhaanu bheende‑ko. Nawe emwe mutari bhaanu bha ku‑chaaro kunu, kwa okubha nibhasorere okusooka ku‑chaaro kunu. Eyo niyo isonga inu eyikora abhaanu bha ku‑chaaro kunu nibhabhasoka.

Yowana 15:25

Jinu jikorekeene korereki jikuumire emisango jinu jikaamirwe mu‑Bhikaame Ebhyeru ati, ‘꞉Bhaansokere kutyo era.’

Yowana 17:12

Omwanya gunu naariga niri aamwi nabho, naabharindaga ku‑bhuturo bhwa risiina ryawo rinu unaaye. ꞉Naabhaangariiye kisi korereki nisige okubhusya noorwo umwi ku‑bhanu, tari unu ꞉eenderwe okusingaarika, okukuumisya jinu jikaamirwe mu‑Bhikaame Ebhyeru.

Yowana 18:32

Ejo ꞉jaakorekeene kutyo, korereki emisango jinu Yeesu ꞉aayikire jikuumire okweresya kutyo kaja okufwa.

Yowana 19:24

Mbe, nibhaayikana ati, “Chisige okutemura omwingiro gunu, tari chigwitongisye, chirore ati, oguja okubha gwa ga.” Ejo ꞉jaakorekeene korereki jikuumire jinu jikaamirwe mu‑Bhikaame Ebhyeru ati, “꞉Bhaagabheene emyenda jaani, na okwitongya inguru ya omwingiro gwani.” Nikwo kutyo abhasirikare abho ꞉bhaakorere.

Yowana 19:36

Ejo ꞉jaakorekeene korereki jikuumire jinu jikaamirwe mu‑Bhikaame Ebhyeru ati, “Ritari‑wo riiwa ryaye noorwo rimwi rinu riribhutuka.”

Yowana 21:17

Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Yowana 6:70

Niwo Yeesu ˆnaabhabhwira ati, “꞉Naasorere emwe ekumi na bhabhiri okubha abheeyigisibhwa bhaani, nawe owumwi weemwe ni wa Syetaani.”

Ebikorwa 1:16

“Abhayiri bhaasu mu‑riikirisya, emisango jinu ꞉jaakaamirwe mu‑Bhikaame Ebhyeru inguru ya Yuuda jaariga jiri bhusibhusi jikuumire. Ejo ꞉jaaragirwe na Mwoyo Mweru okutura mu‑kanwa aka omukama Dawudi inguru yaaye, unu ꞉aatangasiisye bhanu ꞉bhaagwatire Yeesu.

Ebikorwa 1:2

okukingira orusuku runu ꞉aagegerwe okugenda mu‑rwire. Achaari okugegwa, ꞉aasoosiisye amaragiriro okutura ku‑Mwoyo Mweru, ku‑tumwa jaaye jinu ꞉aawuuwe, inguru ya emirimu jinu abhaja okukora.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

Baeburania 4:13

Chitari‑wo echibhumbwa choonechoone chinu chiiyibhisire imbere ya Nyamuwanga. Ebhiinu bhyone bhiri abhweru imbere yaaye, na ku‑mwene chiryendwa okweresya ebhikorwa bhyeswe bhyone.

Obhusweruro 2:23

Ka wone, chimari niriita chimwi abharuubhirisya bhaaye. Niwo abhaanu bha amakanisa goone bharimenya ati, anye enitatirisya kisi omutima na obhwiganirisya bhwa bhuri muunu. Ka wone, niririya bhuri owumwi weemwe okuruubhana na ebhikorwa bhyaye.