Yowana 13:1 - Indagano Inyaaya mu-Chijita

¹ Mbe bhunu ichikukuru ya Okwambuka yaariga ichaari kukinga, Yeesu ꞉aasombookeeywe ati, omwanya gwaye gwa okusooka ku‑chaaro kunu okusubha kw‑Isemwene gwakinga. Yeesu aariga eendere abhaanu bhaaye bha ku‑chaaro kunu, ka wone ꞉aabheendere muno okukingira okufwa kwaye.

INDAGANO INYA:YA

¹ Nawe amarya ga Ipasaka anu gariga gacari kukinga, Yesu ariga amenyere ati omwanya gwae gweire okuso:ka mu: si inu okugenda kwisemwene, endere aba:nu bae banu bari mu:si, abendere kutyo kukinga ku bute:ro.

Yowana 13:1 ပူးပေါင်းရင်းမြစ်များ

Matayo 26:45

Mbe, omwanya gunu ꞉aasubhire rindi ku‑bheeyigisibhwa bhaaye, ˆnaabhabhwira ati, “Muchaawongeeye era na okwigorora? Ringira! Omwanya gwakinga gunu anye Omwana wa Omuunu enituurwa mu‑mabhoko ga abhakosi bha ebhibhiibhi.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Ruuka 22:53

Mbawo siku joone naasiibhaga aamwi na emwe mw‑Iyekaru rya Nyamuwanga, nawe ꞉mutaangwatire? Nawe woori, gunu nigwo omwanya gwemwe, na ogwa obhutungi bhwa echisuute.”

Ruuka 9:51

Omwanya gwa Yeesu okusubha mu‑rwire gwariga guri yeeyi okukinga. Niwo ˆnaaramura okugenda mu‑musi gwa Yerusareemu.

Yowana 11:55

Ichikukuru ya Okwambuka ya Abhayawudi yaariga iri yeeyi. Mbe, abhaanu bhaafu nibhasooka mu‑misi jeebhwe, nibhagenda Yerusareemu, korereki bheeyesye, ichikukuru ichaari okukinga.

Yowana 12:23

Yeesu ˆnaabhasubhya ati, “Omwanya gwakinga gwa Omwana wa Omuunu okukusibhwa.

Yowana 13:29

Okubha Yuuda niwe aariga ˆnaabhiika isagwa ya jipirya, abhandi ꞉bheetogeeye ati Yeesu ꞉aabhwiriiye Yuuda ati, agure ebhiinu bhinu bhyariga nibhikenwa mu‑chikukuru ya Okwambuka, amwi ati, agende ayaane abhataka jipirya.

Yowana 13:3

Yeesu ꞉aamenyere ati Esemwene ꞉aamuyaaye obhuturo bhwa okutunga ebhiinu bhyone. Ka wone, aariga amenyere ati ꞉aasookere ku‑Nyamuwanga, na ati arisubha ku‑Nyamuwanga.

Yowana 13:34

Woori, enibhayaana echiraagiro echiyaaya. Enibharagirira ati, ‘Mwendane. Rwa kutyo anye nibheendere, nyabhuriko emwe wone mwendane.’

Yowana 14:28

꞉Mwoonguuwe jinu ꞉naabhabhwiriiye ati, ‘Enigenda, nawe niriija rindi kw‑imwe.’ Araabha chimari mwakanyendere, mwakabheeye nimukonderwa okuungwa ati enigenda ku‑Raata, kwa okubha Raata ni mukuru okukira anye.

Yowana 14:31

Jinu enikora nijo jinu Raata andagiriiye okukora, korereki abhaanu bhoone bhasombookerwe ati nimwendere. “Woori, mwimereeguru chisooke anu.”

Yowana 16:28

꞉Neejire ku‑chaaro kunu okusooka ku‑Raata, nawe woori enisooka ku‑chaaro kunu, enisubha rindi ku‑Raata.”

Yowana 17:1

Yeesu ejire aamara okwayika ejo joone, ˆnaaragamira ku‑rwire, ˆnaasabhwa ati, “Raata, omwanya gwakinga. Yeeresya abhaanu rikusyo ryani anye Omwana waawo, korereki anye wone nibheeresye rikusyo ryawo kutyo riri.

Yowana 17:16

Abheene bhatari bha ku‑chaaro kunu, rwa kutyo anye nitari wa ku‑chaaro kunu.

Yowana 17:26

Anye nibheeyigisiisye kutyo uri, ka wone enija okugenderera okukora kutyo, korereki bheendane rwa kutyo awe unyendere, ka wone nibhe na obhumwi nabho.”

Yowana 17:5

Raata, enikusabhwa undeete rindi mw‑ikusyo ryawo, rikusyo rinu naariga niri naryo, omwanya gunu naariga niri aamwi na awe, bhunu waariga uchaari kubhumba echaaro.

Yowana 18:4

Yeesu ꞉aamenyere joone jinu jaariga jeenderwe jikorekane ku‑mwene. Mbe, ˆnaafogera imbere kutooto, ˆnaabhuusya abhaanu bhanu bhaariga bheejire awo ati, “Angu, omuyenja ga?”

Yowana 19:28

Mbe, Yeesu ˆnaasombookerwa ati aariga aamarire okukora emirimu jaaye joone. Mbe, ˆnaayika ati, “Obhwiro bhwanyita.” Kurwa ejo, nijikuumira jinu jikaamirwe mu‑Bhikaame Ebhyeru.

Yowana 2:13

Mbe, ichikukuru ya Okwambuka ya Abhayawudi yaariga niirebherera okukinga, kurwa ejo, Yeesu ˆnaagenda Yerusareemu.

Yowana 6:4

Omwanya ogwo, ichikukuru ya Okwambuka ya Abhayawudi, yaariga niirebherera.

Yowana 7:30

Niwo abhaanu nibheenda okumugwata, nawe ꞉ataabheeye‑wo omuunu wa okumugwata, kwa okubha omwanya gwaye gwariga guchaari okukinga.

Yowana 7:6

Niwo Yeesu ˆnaabhabhwira ati, “Omwanya gwani gwa okuja eyo, guchaari kukinga, nawe emwe omutura okugenda omwanya gwonegwone.

Yowana 8:20

Yeesu ꞉aayikire emisango ejo joone, omwanya gunu eeyigisyaga mw‑Iyekaru, anu ebhibhiikiro bhya echiyaanwa bhyariga bhiri. Nawe ꞉ataabheeye‑wo omuunu unu ꞉aamugwatire, kwa okubha omwanya gwaye gwariga guchaari kukinga.

Barumi 8:37

Nawe noorwo araabha ejo joone ejichiija‑ko, eswe echigenderera okuyiga, kwa okubha Kirisito acheendere.

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Baeburania 6:11

Eniigomba muno ati bhuri umwi weemwe eeresyega okwikomeesya okwookwo okukingira ku‑bhuteero, korereki muramire joone jinu omwiyikanya.

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

1 Yoana 4:19

Woori, eswe echeenda Nyamuwanga na abheejaasu, kwa okubha omwene niwe ꞉aatangatire okucheenda eswe.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.