Yowana 12:34 - Indagano Inyaaya mu-Chijita

³⁴ Mbe, echise cha abhaanu nichisubhya Yeesu ati, “Eswe chisomere mu‑Bhikaame Ebhyeru ati, Kirisito kaarama akajaanende koone. Mbe, ni kurwa ki owaayika ati jeenderwe Omwana wa Omuunu anungwe inguru? Angu, Omwana wa Omuunu niga?”

INDAGANO INYA:YA

³⁴ Mbe aba:nu nibamuindura ati, Eswe congu:ywe mu biragiro ati, Kristo kaba ario era kajanende na kajanende. ?Ka:we niki cinu ecikwaikya ati, Omwana wo mu:nu kumwiire okusungwa? ?Niwega unu Omwana wo mu:nu?

Yowana 12:34 ပူးပေါင်းရင်းမြစ်များ

Matayo 16:13

Yeesu ejire aakinga orubhaara runu rwatogwaga ati Kayisaariya‑Firiipi, ˆnaabhuusya abheeyigisibhwa bhaaye ati, “Abhaanu abhaayika ati, anye Omwana wa Omuunu, naanye ga?”

Matayo 21:10

Omwanya gunu Yeesu ꞉eengiiye Yerusareemu, abhaanu bhoone nibharuguura muno. Nibhaamba okubhuusyanya ati, “Niga oyo?”

Matayo 8:20

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Yowana 10:34

Yeesu ˆnaabhabhuusya ati, “Angu, jitakaamirwe mu‑Bhikaame Ebhyeru ati Nyamuwanga ꞉aayikire ati, ‘Emwe muri bhanyamuwanga’?

Yowana 12:32

Omwanya gunu anye nirisungwa inguru ya echaaro, nirikurura abhaanu bhoone bhaaje kw‑anye.”

Yowana 15:25

Jinu jikorekeene korereki jikuumire emisango jinu jikaamirwe mu‑Bhikaame Ebhyeru ati, ‘꞉Bhaansokere kutyo era.’

Yowana 8:28

Mbe, Yeesu ˆnaabhabhwira ati, “Omwanya gunu murinsunga inguru ku‑musarabha, awo niwo murimenya ati anye naanye Omwana wa Omuunu. Ka wone murimenya ati joone jinu enikora, nitakujikora ku‑bhuturo bhwani omwene, tari naayika jinu Raata ꞉aanyiyigisiisye.

Barumi 3:19

Mbe, eswe chimenyere ati, omwanya gunu Ebhikaame Ebhyeru ebhisimura inguru ya echiinu choonechoone, ebhisimura inguru ya abhaanu bhanu ꞉bhaayaaywe Ebhikaame ebhyo. Ebhikaame ebhyo, ꞉bhyakaamirwe korereki abhaanu bhoone, Abhayawudi na abhaanu bhanu bhatari Bhayawudi bhasige okubha na isonga ya okwibhagira omwanya gunu Nyamuwanga ariramura echaaro. Jiribha abhwerubhweru ati abhaanu bhoone bheeyire okuramurwa na Nyamuwanga.

Barumi 5:18

Kurwa ejo, rwa kutyo abhaanu bhoone ꞉bhaaramuuywe okuruubhana na echibhiibhi chimwi cha omuunu umwi, kutyokutyo abhaanu bhoone abhabharwa okubha abharengeresi imbere ya Nyamuwanga okutura ku‑bhurengeresi bhunu bhukorerwe na omuunu umwi. Mu‑kukora kutyo, abhaanu bhoone nibhayaanwa obhuwanga bhwa akajaanende koone.

Baeburania 7:24

Nawe Yeesu niwe Omugabhisi kajaanende koone, kwa okubha omwene ni muwanga kajaanende koone.