Yowana 12:32 - Indagano Inyaaya mu-Chijita

³² Omwanya gunu anye nirisungwa inguru ya echaaro, nirikurura abhaanu bhoone bhaaje kw‑anye.”

INDAGANO INYA:YA

³² Anye ariba nasungwa ku ca:ro, ndikururira kwanye bo:ne.

Yowana 12:32 ပူးပေါင်းရင်းမြစ်များ

Yowana 1:7

Yowana ꞉eejire okusoosya obhubhambaasi inguru ya obhweru obhwo, korereki abhaanu bhoone bhature okubhwikirisya okutura ku‑bhubhambaasi bhwaye.

Yowana 12:34

Mbe, echise cha abhaanu nichisubhya Yeesu ati, “Eswe chisomere mu‑Bhikaame Ebhyeru ati, Kirisito kaarama akajaanende koone. Mbe, ni kurwa ki owaayika ati jeenderwe Omwana wa Omuunu anungwe inguru? Angu, Omwana wa Omuunu niga?”

Yowana 18:32

Ejo ꞉jaakorekeene kutyo, korereki emisango jinu Yeesu ꞉aayikire jikuumire okweresya kutyo kaja okufwa.

Yowana 19:17

ˆNaagega omusarabha gwaye omwene, ˆnaasooka mu‑musi, ˆnaagenda anu mu‑nyaayika ya Echiyebhuraniya kaatogwa ati Gorigoota, obhugajuro bhwagwo ni chiyanga cha omuunu.

Yowana 3:14

“Omwanya gunu Abhayisirayeeri bhaariga bhari mw‑ibhara, Muusa ꞉aakonjere risusano rya injoka ya isyabha na okurisunga kw‑iti, korereki bhawone. Nyabhuriko na anye Omwana wa Omuunu niryendwa okusungwa,

Yowana 6:44

Atari‑wo omuunu unu kaatura okuuja kw‑anye, araabha atatangasiibhwe na Raata unu ꞉aantumire. Anye nirisuurura omuunu oyo ku‑rusuku rwa obhuteero.

Yowana 8:28

Mbe, Yeesu ˆnaabhabhwira ati, “Omwanya gunu murinsunga inguru ku‑musarabha, awo niwo murimenya ati anye naanye Omwana wa Omuunu. Ka wone murimenya ati joone jinu enikora, nitakujikora ku‑bhuturo bhwani omwene, tari naayika jinu Raata ꞉aanyiyigisiisye.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

1 Timoteo 2:6

Omwene ꞉aasoosiisye obhurame bhwaye, korereki eerure abhaanu bhoone. Bhunu nibhwo obhubhambaasi bhunu Nyamuwanga ꞉aachiyaaye ku‑mwanya gunu ꞉aateeye‑wo.

Baeburania 2:9

Nawe echirora Yeesu, unu Nyamuwanga ꞉aakorere okubha omutooto okukira bhamaraayika ku‑mwanya mufuyi era. Nyamuwanga ꞉aakorere kutyo, korereki okuruubhana na echigongo chaaye, Yeesu afwe inguru ya okuchungura abhaanu bhoone. Woori Nyamuwanga amuyaaye rikusyo na echibharo, ku‑songa ya okunyaaka na okufwa kwaye.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Yoana 2:2

Yeesu niwe echoogo cha okusoosya‑wo ebhibhiibhi bhyeswe na okuchigwatanya na Nyamuwanga. Ka wone ꞉ataasoosisye‑wo ebhibhiibhi bhyeswe era, tari na ebhibhiibhi bhya abhaanu bhoone bha ku‑chaaro choone.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.