Yowana 11:51 - Indagano Inyaaya mu-Chijita

⁵¹ Kayaafa ꞉ataayikire emisango ejo mu‑kwenda kwaye omwene. Nawe ꞉aajaayikire, kwa okubha aariga ari mugabhisi omukuru ku‑muguuga ogwo. Kurwa ejo, aariga ˆnaaraga ati Yeesu kaja okufwa inguru ya Abhayawudi.

INDAGANO INYA:YA

⁵¹ Ata:ikire eco mu bwenge bwae era, nawe okuba ariga mugabisi Omukuru mu mwaka ogwo, naraga ati Yesu kaja okufwira riyanga eryo.

Yowana 11:51 ပူးပေါင်းရင်းမြစ်များ

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Yowana 10:15

rwa kutyo Raata ammenyere, anye wone nimumenyere kisi. Anye enisoosya obhuwanga bhwani inguru ya jinaama jaani.

Yowana 11:49

Mbe, umwi mu‑bhakuru bharya risiina ryaye ˆnaatogwaga Kayaafa, unu aariga ari mugabhisi omukuru ku‑muguuga ogwo, ˆnaabhabhwira ati, “Emwe mutakumenya omusango gwonegwone!

Yowana 18:13

Mbe, nibhamusira okwamba ku‑Anaasi esebhuko Kayaafa. Kayaafa niwe aariga ari mugabhisi omukuru ku‑mwanya ogwo.

1 Bakorinto 13:2

Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Yoana 2:2

Yeesu niwe echoogo cha okusoosya‑wo ebhibhiibhi bhyeswe na okuchigwatanya na Nyamuwanga. Ka wone ꞉ataasoosisye‑wo ebhibhiibhi bhyeswe era, tari na ebhibhiibhi bhya abhaanu bhoone bha ku‑chaaro choone.