Yowana 11:32 - Indagano Inyaaya mu-Chijita

³² Mbe, Maryamu ˆnaakinga anu Yeesu aariga ari. Ejire aarora Yeesu, ˆneefukama imbere yaaye, ˆnaamubhwira ati, “Raatabhugenyi awe, araabha waakabheeye uri anu, omundurume waani ataakafuuwe.”

INDAGANO INYA:YA

³² Mbe Maryamu wejire akinga anu Yesu ariga:ri namurora, nagwa ku maguru gae, namubwira ati, Ratabugenyi, kumba wariga uri anu, omundurume wani atakafu:ye.

Yowana 11:32 ပူးပေါင်းရင်းမြစ်များ

Ruuka 17:16

Ejire aakinga ku‑Yeesu, ˆnaagwa bhwifumbike ku‑maguru gaaye, enu ˆnaamusiimaga. Omuunu oyo, aariga ari Musamaariya.

Ruuka 5:8

Simooni Peetero ejire aarora ejo, ˆneefukama imbere ya Yeesu, ˆnaamubhwira ati, “Raatabhugenyi, niteeyire okubha aamwi na awe, kwa okubha anye niri muunu owa ebhibhiibhi!”

Ruuka 8:41

Awo, ˆnaaja‑wo omuunu umwi, unu aariga ˆnaatogwa Yaayiro. Yaayiro oyo, niwe aariga ari mukuru wa inju ya eriikofyanyo rya Abhayawudi. ˆNeefukama imbere ya Yeesu, ˆnaamwirembeeresya ati, aaje iika ewaaye,

Yowana 11:2

Maryamu oyo, niwe ꞉aabhambagire Raatabhugenyi Yeesu amafuta ga ebhirange, na okumufwafuuta na jifwiri jaaye ku‑maguru. Rajaaro owaabho niwe aariga ari murwaye.

Yowana 11:21

Maarita ˆnaabhwira Yeesu ati, “Raatabhugenyi awe, araabha waakabheeye uri anu, omundurume waani ataakafuuwe.

Yowana 11:37

Nawe abhaanu abharebhe mu‑bheene nibhaayika ati, “Omuunu unu niwe ꞉aawosiisye omuwofu urya, ni kurwa ki ꞉ataaturire okuyingirira Rajaaro, korereki aasiga okufwa?”

Yowana 4:49

Omusakisi oyo ˆnaamusubhya ati, “Mwami, enikusabhwa, chigende ku‑mumura waani, achaari okufwa.”

Obhusweruro 22:8

Anye Yowana, naanye ꞉noonguuwe na okurora emisango ejo. Nejire naajuungwa na okujirora, ꞉naaguuwe bhwifumbike ku‑maguru ga maraayika unu ꞉aanyeresiisye emisango ejo, korereki nimuramye.

Obhusweruro 5:14

Ebhibhumbwa bhina bhirya nibhiitabhirisya, nibhyayikaga ati, “Jibhe kutyo!” Abhakaruka bharya wone nibhagwa bhwifumbike, nibharamya Nyamuwanga na Omwana wa Inaama.

Obhusweruro 5:8

Ejire aaramira echitabho echo, ebhibhumbwa bhirya na abhakaruka bharya nibhagwa bhwifumbike imbere yaaye. Bhuri umwi weebhwe aariga ari na indono na amabhakuri ga inaaryo geejuuywe obhubhaani. Obhubhaani obhwo niryo risabhwa rya abheeru bha Nyamuwanga.