Yowana 11:19 - Indagano Inyaaya mu-Chijita

¹⁹ Abhayawudi bhaafu okusooka Yuudeya bhaariga bheejire Bheetaniya okusiiriisya Maarita na Maryamu, ku‑songa ya orufu rwa Rajaaro omundurume weebhwe.

INDAGANO INYA:YA

¹⁹ Abayaudi ba:fu bariga be:jire ku Marita na Maryamu okubasi:ri:sya kurwo mundurume webwe.

Yowana 11:19 ပူးပေါင်းရင်းမြစ်များ

Ruuka 10:39

Maarita oyo, aariga ari na omuyara oweejaabho, ˆnaatogwaga Maryamu. Maryamu oyo, ˆneenyanja ayeeyi na amaguru ga Yeesu, korereki abhega ˆnaategeresya Yeesu.

Ruuka 10:42

Nawe, guri‑wo omusango gwa ekisi gumwi era okukira joone. Omusango ogwo ni kuntegeresya anye. Ogwo nigwo omuyara oweejaanyu Maryamu eetoora. Atari‑wo omuunu woonewoone unu kaatura okumuteesya omusango ogwo.”

Yowana 1:19

Rusuku rumwi, abhatangasya bha Abhayawudi ꞉bhaatumire abhagabhisi na Abharaawi okusooka Yerusareemu, okuja ku‑Yowana. Bhejire bhaakinga nibhamubhuusya ati, “Naawe ga?” Yowana ˆnaasoosya obhubhambaasi,

Yowana 11:1

Aariga ari‑wo omuunu umwi unu aariga ari murwaye. Omuunu oyo aariga ˆnaatogwa ati Rajaaro. Omwene na abhayara bhaabho bhabhiri, Maryamu na Maarita bhaariga bheekaaye mu‑ruguuyo rwa Bheetaniya.

Yowana 11:31

Abhayawudi bhanu bhaariga bhagendere okukeesya na okusiiriisya Maryamu, bhejire bhaamurora ˆneemuka bhwangu, ˆnaawuruka anja, abheene wone nibhamuruubha. ꞉Bhaakorere kutyo, kwa okubha bheetogeraga ati Maryamu kaagenda ku‑chituuro korereki arire eyo.

Yowana 11:33

Yeesu ejire aarora Maryamu ˆnaariraga na abhaanu bhanu ꞉eejire nabho wone nibhariraga, ˆnaarumwa mu‑mwoyo gwaye, ˆnaasurumbara muno.

Yowana 11:36

Mbe, Abhayawudi bhanu bhaariga bheejire mu‑rufu awo nibhaayika ati, “Ringira kutyo aariga amwendere!”

Yowana 11:45

Mbe, Abhayawudi bhaafu bhanu ꞉bheejire okukeesya Maryamu, bhejire bhaarora jinu Yeesu ꞉aakorere, nibhamwikirisya.

Yowana 11:8

Abheeyigisibhwa bhaaye nibhamusubhya ati, “Omwiyigisya, ni jorirya anu era Abhayawudi bheendaga okukubhuma na amabhuyi korereki bhakwite. Kurwa ki woori oweenda okusubha eyo rindi?”

Barumi 12:15

Mukonderwega aamwi na bhanu abhakonderwa, na murirega aamwi na bhanu abharira.

2 Bakorinto 1:4

Omwene kaachifungʼamya mu‑bhinyaasyo bhyeswe bhyone, korereki eswe wone chiture okufungʼamya abhandi bhanu bhari mu‑bhinyaasyo bhya bhuri mbaga, rwa kutyo eswe echifungʼamibhwa na Nyamuwanga.

1 Batesalonika 4:18

Kurwa ejo, mugenderere okusimbiisyanya abheene kwa abheene kwa emisango ejo.

1 Batesalonika 5:11

Mbe, mugenderere okusimbiisyanya na okukomeesyanya emwe abheene kwa abheene, ka wone omusango ogwo nigwo omukora noorwo woori.